nostris, Capitulo Posoniensi firmiter dedimus in mandatis, vt cum Comite Petro, filio Cosme de Tukelchen, homine nostro, suum testimonium idoneum transmittere deberent, coram quo idem homo noster dictam terram conuocatis vicinis et commetaneis, per veteres et antiquas metas ream→ bularet, et eidem Magistro Martino eamdem sta→ tueret perpetuo possidendam, si non fieret contradictum, contradictoribus vero ad- nostram presenciam euocatis; post hec diem citationis et terminum, ac nomina citatorum, simul cum cursu metarum terrae supradictae, nobis fideliter rescribere deberent seriatim. Demum idem capitulum nobis rescripserunt in hec Verba: Excellentissimo Domino suo Karolo, dei gracia, illustri regi Hungariae, Capitulum Ecclesie Posoniensis orationes in Domino tam debitas quam deuotas. Recepimus litteras vestrae Serenitatis cum debita reuerentia, vt tenemur, hunc tenorem continentes: Karolus, Dei gratia, Rex Hungariae, fidelibus suis Capitulo Ecclesiae Posoniensis salutem et gra→ tiam plenam. Magister Martinus, filius Bagar, dilectus nobis et fidelis, quamdam possessionem seu terram castri nostri Posoniensis, videlicet Hulete vocatam, dicens eamdem terram esse vacuam, a nobis sibi dari postulauit cum instantia. Vnde cum de qualitate et quantitate ipsius terrae, et vtrum ad nostram pertineat collationem, vel vacua sit. nec ne, nobis veritas non constet, fidelitati Vestrae firmiter damus in mandatis, quatenùs cum Comite Petro, filio Cosme de Tukelchen, homine nostro, vestrum mittatis hominem ydoneum pro testimonio, coram quo idem homo noster reambulet dictam terram, et eidem Magistro Mar

tino statuat cum omnibus vtilitatibus, et pertinenciis eiusdem, si non fuerit contradictum; contradictores vero, si qui fuerint, ad nostram citet presenciam ad terminum competentem; et post hec diem citationis, ac nomina citatorum, simul cum cursu metarum, qualitatem et quantitatem, seeundum quod visu póterit permetiri, predicte terre nobis in Vestris litteris seriatim fideliter rescribatis. Datum Bude tertio festiuitatis beati Iacobi Apostoli. Nos igitur mandatis Vestris in omnibus obedire cupientes, vt tenemur, misimus vnum nobis, discretum virum et honestum Magistrum Thyboldum, fide dignum, cum predicto Comite Petro, homine Vestro, ad faciem possessionis predicte, qui quidem ad nos reuersi, nobis concorditer recitarunt in hunc modum: quod ipsi prememoratam possessionem Hulete vocatam reambulassent et statuissent, cum omnibus vtilitatibus et pertinenciis suis, vniuersis vicinis et commetaneis suis presentibus, prefato Magistro Martino, nullo contradictore penitus existente; et eadem Possessio, sicut praedicti homo Vester et noster concorditer dixerunt, vacua est, habitatoribusque penitus destituta; et cursum metarum eiusdem terrae seu possessionis, seu qualitatem et quantitatem hoc ordine recitarunt: quod predicta terra Hulete ad quatuor aratra esset sufficienss; metas autem eius+ dem terrae Hulete a parte orientali distinguunt mete Nobilium de Tukelchen, et ab aliis tribus plagis distinguit terra eiusdem Magistri, et sic mete ipsius terre Hulete terminantur. Datum secunda die beatissimi Regis Stephani. Nos autem consideratis fidelitatibus, fideliumque seruiciorum meritis eiusdem Magistri Martini, quibus nobis se studuit

multipliciter fexhibere graciosum graciosum, volentesque eius fidelibus, seruitiis regiis dilectionibus correspondere; licet idem Magister Martinus respectu suorum fidelium seruiciorum a nobis multo plus mereretur, tamen ad presens in aliqualem recompensationem seruiciorum eiusdem dictam terram Hulete vocatam, cum omnibus vtilitatibus, et pertinenciis suis vniuersis sub eisdem metis et terminis supradictis, sine praeiudicio iuris alieni, eidem Magistro Martino dedimus, donauimus et contulimus, sibi et per eum suis heredibus, heredumque suorum successoribus iure perpetuo et irreuocabiliter possidendam, tenendam pariter et habendam. In cuius rei memoriam, perpetuamque firmitatem, praesentes priuilegiales concessimus nostras litteras dupplicis sigilli nostri appensione communitas, Datum per manus discreti Viri Magistri Iohannis, Albensis Ecclesie Prepositi, aule nostre Vice-Cancellarii et Archidiaconi de. Kukullö, dilecti et fidelis nostri. Anno Domini MCCCX. In kalendis Octobris Regni nostri similiter decimo. Sigillum dnpplex pendens..

Ex originali Membrana sanctioris Tabularii Domus Augustae. Confirmatae ab eodem, Rege Carolo A. 1323.

CLXIX.

A. Ch. 1310. Idem Carolus Fratribus Eremitis de Désvár sales a transeuntibus dandos cum iure liberae euectionis donat. Ad Zindam in villa B. Michaelis Archangeli in festo Conceptionis B. V.

Nos Carolus, Dei gratia, Rex Hungariae, memoriae commendantes significamus tenore praesentium quibus expedit vniuersis: quod nos ob reuerentiam et honorem Virginis Gloriosae, ac or

dinis et status ecclesiastici dilectionem, religiosis viris fratribus Ecclesiae Beatae Mariae de Deesvar, ordinis fratrum Eremitarum S. Augustini, hanc duximus gratiam perpetuo faciendam, vt singuli currus Deesakna, Sales in Deesvar deferentes, in eadem villa Deesvar ipsis Fratribus Ecclesiae Beatae Virginis soluere, seu dare tenebuntur duos sales, et vbicunque dicti fratres ipsos sales sibi taliter prouenientes, et etiam alios sales ipsorum, Ecclesiae memoratae vel ad commoquos ad opus dum et sustentationem suam in praedictis nostris villis aquirere possunt, per subventionem fidelium, et eleemosynarum largitionem, vendere, aut quocunque voluerint, libere possint, tam ibidem in Deesakna, vel in Deesvar, quam in Zathmár, aut alias quandocunque ipsorum placuerit voluntati, absque tributi solutione aliquali, nec quisComitum Camerae nostrae vel officialium quorumcunque dictos fratres in venditione salium praedictorum, ratione tributi, siue debiti alicuius molestare in aliquo locorum debeat, siue praesumat contra gratiam eisdem per nos factam. Datum prope Zindam in villa Beati Michaëlis, in Festo conceptionis Beatae Virginis. Anno Dominicae Incarnationis millesimo, trecentesimo decimo."

Ex anthographo. Kaprinai sub C. nro CXV. p. 347 -8. Primum hoc est Caroli Roberti ab inauguratione sua solemni diploma nobis notum; illa enim octaua Sancti regis Stephani, idest XXVII. Augusti fuit Albae peracta; ordine tertia, vnice legalis.

A. Ch. 1310. Frater Gentilis Cardinalis, S. A. L. interdictum obseruandum, ac procurationes suas incassandas Benedicto, Episcopo Transiluaniae, iniungit. Posonii VI. Nonas May, pops

Frater Gentilis, miseratione diuina tit. S. Martini in montibus Présb. Card. A. S. L. ven. ac religioso viro Fr. Benedicto electo Transiluaniensi salutem in Domino. Cóntinebat inter alia litera vestra, proxime nobis missa, quam benigne recepimus, quod nec religiosi, nec clerici seculares seruant in Transsiluaniensibus partibus interdictum, quodque in audiendis vel celebrandis diuinis nusquam vos ingerere voluistis, nisi in capella priuatim, et quia nihil vobis commiseramus verbo, vel litteris, de praedicto vos intromittere negocio distulistis. Super quibus vestrae discretionis studium commendantes, sic breuiter respondemus: quod nostrae intentionis pro certo existit, vt interdictum seruetur ab omnibus regulariter, prout tenor nostrorum processuum continet et declarat, vobis vero sicut nec commisimus, nec committimus inde quicquam: sed Capitulo Transsiluaniensi damus aliqua per alias nostras litteras in mandatis, que si videre volueritis, poteritis per easdem, vt scilicet tamdiu teneant interdictum, donec Ladislaus ad nostra et ecclesiae mandata humiliter rediens opere compleat, quod pro Domino rege se facturum promisit. Desideraremus admodum vt idem Ladislaus per vos mitteret nobis coronam, prout promississe ipsum nobis per alias litteras rescripsistis, qui erga regem et nos haberet locum, citius id negocium gratiose. De procurationibus autem nostris primi secundi annorum, quicquid exe