Eodem anno die Lunae 6. mensis Ianuarii ad instantiam Magistri Angeli de S. Victoria procuratoris predicti petentis, prenominatus Dominus auditor commisit et mandavit Iuche de Pergula supradicti Domini Legati porterio et nuncio jurato eius Curie in ipsius Domini Auditoris presentia constituto, ut vadat, citet et requirat omnes illos, quos dictus magister Angelus sibi duxerit nominandos, ut cras ante tertiam coram eo debeant comparere personaliter, et perhemptorie perhibituri testimonium veritatis super quibusdam articulis exhibitis in causa predicta per dictum Magistrum Angelum Procuratorem.

Die Martis 7. mensis pred. Ianuarii ante tertiam Iucha nuntius predictus retulit dicto Domino Auditori, et mihi Notario supradicto ad instantiam dicti Angeli Procuratoris in presentia dicti Domini auditoris constituti, citasse Gregorium archidiaconum Quinque-Ecclesiensis Ecclesie et fratrem Antonium Prepositum de Jasso personaliter inuentos secundum formam commissionis superius sibi facte; post hec immediate, ad petitionem dicti Magistri Angeli Procuratoris, idem Dominus auditor mandavit dicto Juche presenti, quod citet et requirat prenominatum Magistrum Philippum Procuratorem, quod incontinenti compareat in iudicio coram eo, visurus predictorum testium iuramenta, alioquin ad iuramenta dictorum testium, vt iustum fuerit, procedetur ipsius absentia non obstante. Qui Jucha volens exequi mandatum sibi superius factum reuerenter retulit, dicto Domino auditori et mihi Notario citasse predictum Magistrum Philippum personaliter inventum secundum formam supradicte

commissionis sibi facte.

Comparentibus die predicta ante tertiam, et in iudicio constitutis coram prédicto Domino auditore pro Tribunali sedente in aula supradicta ad iura reddenda Magistris Angelo de S. Victoria, et Philippo de Cingulo supradicto partium procuratoribus, quolibet pro parte sua, idem Magister Angelus ad probationem Articulorum suorum exhibitorum per eum in iudicio Gregorium Archidiaconum Quinque-Ecclesien. Ecclesie, et fratrem Antonium Prepositum de Jasso personaliter produxit in testes, petens cum instantia, quod eisdem mandetur, quod iurent, et super dictis articulis perhibeant testimonium veritatis, dictus Magister Philippus dicit semper protestatione premissa, et protestatur, quod dicti testes non sunt recipiendi, cum sit lapsus terminus ad probandum exceptionem excommunicationis predicte. Quibus testibus per dictum Angelum productis ad istantiam dicti Angeli Procuratoris, mandavit dictus Dominus auditor virtute obedientie, quod iurent dicere veritatem super dictis articulis per ipsum Angelum porrectis in huiusmodi causa tam pro una parte, quam pro altera, qui testes, et quilibet ipsorum de mandato dicti Domini auditoris iurauerunt super dictis articulis dicere puram ei meram veritatem, corporaliter tacto libro, remoto hodio, amore, timore, prece, pretio, vel precibus cum omnibus capitulis ad iuramentum huiusmodi prestandum; hoc autem facto, idem Magister Angelus coram dicto Domino auditore adhuc pro tribunali sedente presentibus Magistro Philippo Procuratore substituto predicto positiones quasdam exhibuit infrascriptas, cui Magistro Philippo Procuratore dictus Dominus auditor hodie ante vesperas, et perhemptorium ad

respondendum dictis positionibus terminum assignauit; dictus Magister Philippus non acceptat pro eo, quod non sunt exhibite infra terminum datum ad probandam dictam exceptionem excommunicationis, qui fuit terminus perhemptorius, prout manifeste apparet; tenor autem dictarum positionum per dictum Angelum exhibitarum talis est:

Coram vobis Domino Bonumsegna de Perusio Decretorum Doctore Canonico Raven. Rev. patris et Domini Domini Legati Camerario et auditore in hac parte specialiter deputato ponit, et, si negatur, probare intendit Angelus de S. Victoria Procurator Ven. in Christo Patris Domini P. Dei gratia Episcopi Quinque- Ecclesien. in causa exceptionis excommunicationis per eum proposite contra Nicolaum, qui dicit se Cantorem Quinque-Ecclesien., et libellos ex parte sua propositos, infrascripta:

In primis videlibet quod bona memorie Dominus Nicolaus Apostolice Sedis Legatus in Regno Vngarie tempore dicte Legationis constitutionem publice edidit, et publicari fecit, in qua maioris excommunicationis sententia in omnes, et singulos occupatores, seu violentos detentores Ecclesiarum vel bonorum Ecclesiasticorum sue Legationis promulgatur.

Item quod dictus Nicolaus post duos menses a tempore dicte publicationis occupauit per vioHenciam Ecclesiam Quinque-Ecclesieniem.

Item quod dicto tempore occupauit per violentiam Castrum Quinque-Ecclesien. Ecclesie.

Item quod occupauit per violentiam alia bona dicte Ecclesie, illis exceptis, que in Comitatibus Tolnen. et de Bar.

Item quod post dictam occupationem tenuit occupata per violentiam dictam Ecclesiam, Castrum et bona predicta.

Item quod dictus Nicolaus adhuc tenet occupatam dictam Ecclesiam, et dictum Castrum, et dicta bona.

Item quod predicta fuerunt et sunt nota et notoria in partibus Quinqueecclesien.

Item quod de predictis est publica vox et fama in Regno Vngarie.

Protestans dictus Angelus, quod non adstringat se ad probandum omnia predicta, et singula, nisi tantum, que sufficiant ad victoriam sue cause. Eodem die hora, et loco exhistentibus procuratoribus memoratis Magistris Angelo et Philippo quolibet pro parte sua coram dicto Domino Auditore adhuc pro Tribunali sedente ad iura reddend. eidem magistro Angelo Procuratori, dictus Dominus Auditor terminum a iure concessum prefixit, quod omnes testes, quos super exceptione excommunicationis exhibita per eum contra dictum Cantorem dare vellet, produceret saluo iure alterius partis, si quod habet: Tunc idem Magister Angelus Procurator procuratorio nomine quo supra, produxit in testes recipiendos super articulis exhibitis per eum contra dictum Cantorem, videlicet Gregorium Archidiaconum Quinqueecclesien. Ecclesie, et fratrem Anctonium Prepositum de Iossa, Ord. Premonstrat. quibus testibus dictus Dominus auditor ad instantiam et petitionem dicti Magistri Angeli Procuratoris mandauit, quod super articulis predictis iurare deberent et dicerent veritatem; dictus Magister Philippus procurator substitutus predictus dixit et

protestatus fuit, quod testes predicti non sunt cogendi ad iuramentum, nec debent recipi pro eo, quod terminus datus ad probandum articu: lum super exceptione excommunicationis lapsus est, et quia dicti testes sunt familiares, et domestici eiusdem Domini Petri Episcopi; protestatur etiam ante iuramenta dictorum testium omnes suas exceptiones sibi competentes, et competituras; qui: quidem testes, et quilibet ipsorum de mandato. eiusd. Domini Auditoris iurauerunt corporaliter tacto libro dicere puram, et meram veritatem tam pro vna parte, quam pro alia super articulis supra dictis, presentibus ipsis procuratoribus.

Preterea idem Dominus auditor mihi Iohanni No-a tario predicto licentiam omnimodam contulit re-. cipiendi eosdem in ipsius Domini auditoris ab

sentiam.

Eodem die hora vesperarum comparentibus in iudicio coram dicto Domino Auditore, sedente pro Tribunali in Camera sua ad iura reddend.. Magistris Philippo de Cingulo ex vna parte, et Angelo de S. Victoria ex altera. Idem Magister: Philippus procuratorio nomine quo supra contra positiones supra exhibitas per dictum Magistrum Angelum exceptiones exhibuit infrascriptas; Dictus vero Magister Angelus Procurator procuratorio no-. mine quo supra instanter petiit per dictum Magi-, strum Philippum positionibus predictis responderi et cogi debere ad respondendum eisdem; dictus Magister Philippus dixit et respondit, quod dictis positionibus, nec alicui earumd. respondere non tenetur, nec debet propter causas in suis predictis exceptionibus insertas, et expressas, sed eas insistit non recedendo ab eis, petens super hiis stare consilio Tom. VIII. Vol. I.

21