Episaoporum, fratris Augustini Zagarabiensis, Gregorii Bosnensis, Episcoporum, et Nicolai postulati Ecclesiae Iaurinensis, itemque frequentiae multorum Nobilium, quae tunc nobiscum aderat, tam pro nobis, nostrisque haeredibus, ad nos pertinentibus, quam pro Magistro Nicolao, nepote nostro, ac ad ipsum spectantibus, sicut superius est expressum, iuramentum corporale praestamus, obligantes, et sponte suscipientes, vt qui praedicta seruare non curauerit, animo pertinaci reatum incurrat; etiam poenas omnes, per praefatum Dominum legatum contra rebelles huiusmodi promulgatas hactenus, vel in posterum promulgandas, et eas etiam, quas infligere leges decreti pro laesae Maiestatis crimine decreuerunt. In quorum omnium perpetuam firmitatem praesentes litteras nostro sigillo voluimus insigniri. Actum in Teten Weszprimiensis Dioecesis, pridie nonas Iuny anno Domini MCCCVIII.

Ex archiuo Imperiali Viennen.

CXXXIX.

A. Ch. 1308. Conuentus Augustinianorum de Alba Trans. transactionem Petri Episcopi Trans. de anno 1302. transcribit.

Conuentus Eremitarum Sancti Augustini, Albae in Transiluania, transactionem Petri Episcopi Transiluani inter Capitulum Ecclesiae suae, ac plebanos dioecesanos ratione dicationis decimarum anno 1302. peractam transcribit. Anno 1308.

CLX,

A. Ch. 1309. Idem Gentilis Cardinalis Nicolai Cantoris causam, punctis accusationum propositis, resumit. Die Iouis II. mensis Ianuarii Budae.

In nomine Domini Anno Domini MCCCIX. Indic. VII. Pontificatus Domini Clementis PP. V. anno 4. die Iovis 2. mensis Ianuarii comparentibus et in iudicio constitutis coram Venerabili Viro Domino Bonumsegna de Perusio Decretorum Doctore, Canonico Raven. Reverendi Patris et Domini Domini Legati Superius nominati Camerario, et in hac parte per ipsum Dominum Legatum Auditore specialiter deputato, magistris Philippo de cingulo procuratore substituto a Thoma Canonico Quinque-Ecclesiensi, procuratore magistri Nicolai Cantoris dicte Quinquecclesiensis Ecclesie ex parte una agente, et Angelo de S. Victoria procuratore Ven, patrum Dominorum T. Archiepiscopi Strigoniensis et P. Quinquecclesiensis Episcopi se dicentis, dictus magister Philippus Procurator substitutus procuratorio nomine quo supra animo contestaudi litem cum dicto Magistro Angelo procuratore predictorum dominorum, dixit narrata in ipso libello supra exhibito per dictum Magistrum Philippum contra predictos Dominos et eorum procuratorem, prout narrantur sibi fieri debere, dictusque magister Angelus procurator procuratorio nomine quo supra animo contestandi litem cum dicto Magistro Philippo, negans narrata prout narratur, dixit petita sibi fieri non debere, sic de voluntate ipsorum procuratorum litis contestatio facta est super dicto libello inter eos legitime, et vterque ipsorum corporale sollempniter prestitit iuramen

tum calumpnie de veritate dicenda, et vtenda în tota causa cum omnibus capitulis calumpnie iura menti, et post immediate facta contestatione litis et prestito calumpnie iuramento, dictus Magister Angelus Procurator procuratorio nomine quo supra in causa exceptionis excommunicationis per eum proposite contra dictum Cantorem in iudicio coram dicto Domino Auditore articulos exhibuit inferius adnotatos, et testium nomina infrascriptorum super probatione dictorum articulorum, petens ipsi Domino auditori, et protestans cum instantia quanta potest, quod mandetur ipsis testibus, quod iurent super dictis articulis dicere veritatem, et petiit eidem Domino Auditori, quod detur sibi nuntius iuratus ad citandum omnes illos testes, quos dare intendit super dictis articulis probandis, protestando, quod sibi terminus probandi dictam exceptionem excommunicationis non currat, cum per eum non stet, dum habeat dictus procurator nuntium citandi eos, cui Magistro Philippo ad faciend. et dand. omnia interrogatoria, que dare voluerit, super ipsis articulis inscriptis ad cras ante tertiam terminum perhemptorium assignauit, et medio tempore, si voluerit, copiam accipiat eorumdem; dictus Magister Philippus sentiens se predictis grauatum fore, protestatur, et dicit, quod cum dicta exceptio excommunicationis exhibita fuerit, vt dicitur, coram dicto Domino Auditore, cuius occasione testes producantur, non debent dicti testes admitti ad testimonium perhibend. cum ipso ignorante, nec vocato exhibita dicta fuisset exceptio, nec habuerit copiam eiusdem; protestatur etiam ante iuramenta dictorum testium omnes suas exceptio

pes periurii, falsitatis, inimicitie,, parentele, familiaritatis, et omnes alias exceptiones sibi competentes, et competituras, quibus testibus dictus. Dominus Auditor ad instantiam dicti Magistri Angeli procuratoris petentis singulariter nominatis mandauit, quod iurent ad sancta Dei euangelia tam pro vna parte, quam pro alia super infrascriptis articulis, quorum articulorum et testium productorum iurament. (sic) talis est:

Coram vobis Ven. Viro Domino Bonumsegna de Perusio Decretorum Doctore Canonico Rauen. Rev. Patris et Domini Domini fratris G. miseratione diuina tt. S. Martini in montibus presbiteri Card. apostolice Sedis Legati Camerario, et in hac parte auditore specialiter deputato; Intendit probare Angelus de S. Victoria Procurator Veu. in Christo Patrum Dominorum T. Archiepiscopi Strigonien. et P. Dei gratia Episcopi Quinqueecclesien. in causa exceptionis excommunicationis per eum proposite contra Nicolaum, qui dicit se Cantorem Qinqueeclesien. et libellos ex parte sua propositos infrascripta. In primis:

Videlicet, quod bone memorie Dominus Nicolaus Apostolice Sedis Legatus in Regno Vngarie tempore dicte legationis constitutionem publice edidit, et publicari fecit, in qua maioris excommunicationis sententia in omnes et singulos occupatores, seu violentos detentores Ecclesiarum, vel bonorum ecclesiasticorum sue legationis promulgatur.

Item quod dictus Nicolaus post duos menses a tempore dicte publicationis occupavit per violentiam Ecclesiam Quinque-Ecclesiensem.

Item quod dicto tempore occupavit per violentiam Castrum Quinqueecclesiensis Ecclesie.

Item quod occupavit per violentiam alia bona dicte Ecclesie, illis exceptis, que in comitatibus. Item quod post dictam occupationem tenuit occupata per violentiam dictam Ecclesiam, Castrum et bona predicta.

1

Item quod dictus Nicolaus adhuc tenet occupata dictam Ecclesiam, Castrum, et dicta bona.

Item quod predicta sunt et fuerunt nota, et notoria in partibus Quinqueecclesiensibus.

Item quod de predictis est publica vox et fama in Regno Vngarie. Protestans dictus Angelus, quod non astringit se ad probandum omnia predicta, et singula, nisi ea tantum, que sufficiant ad victoriam

suo cause,

Testes producti coram dicto Domino auditore in iudicio in Sala Domini Legati, ubi predicta acta sunt, sunt hii videlicet: Fr. Iohannes Prior loci Albensis Regalis ordinis heremitar. B. Augustini, Fr. Anctonius Prior de Insula magna Ord. heremitar, B. Augustini, Thomas Petri de Quinqueecclesiensi qui de mandato dicti Domini auditoris ad instantiam, et petitionem dicti Magistri Angeli Procuratoris, ad Sancta Dei Euangelia corporaliter tacto libro dicere puram et meram veritatem super articulis supra exhibitis per dictum procuratorem contra dictum Magistrum Nicolaum tam pro una parte, quam pro alia, remoto hodio, amore, prece, pretio, vel timore, presente dicto Magistro Philippo Procuratòre partis aduerse; et iterum protestante exceptiones suas omnes tam contra dicta, quam contra personas eorum sibi saluas fore, iuraverint.