Oldalképek
PDF
ePub

lutem in Domino. Dignum est, vt, qui non solum sua, verum etiam semet ipsos salubriter abnegantes, carnem suam cum vitiis et concupiscentiis crucifigunt, in claustris claustralibus se claudendo, gratis attollamus fauoribus et congruis muniamus, vt eo deuotius, quo quietius, pacis famulentur auctori: Sane Priores in Christo filii et conuentus domorum B. M. in Chisa, et S. Margaritae in lapide refugii, ac paradisi, S. Ioannis in Lubesne, Ord. Carthus. Strigonien. et Zagrabien. dioecesis, sua nobis conquestione monstrarunt, quod nonnulli clerici et laici, ad eos propter Deum debitam reuerentiam non habentes, ipsos in personis, bonis ac iuribus suis, contra Apostolicae sedis et legatorum eius indulta, praesumunt indebite molestare. Verum, quum Ordinarii iniuriatorum ipsorum iisdem Prioribus et conuentibus in exhibendo iustitiam de talibus se interdum reddant difficiles, etiam negligentes, ipsisque nimis difficile ac dispendiosum exsistat pro singulis iniuriis apost. sedem inuocare; iidem fratres nobis humiliter supplicarunt, vt prouidere eis in hac parte de opportuno remedio dignaremur. Itaque discretioni Vestrae, qua fungimur, auctoritate mandamus, quatenus vos duo, vel vnus Vestrum, per vos, aut per alium seu alios, prefatis Prioribus et conuentibus defensionis praesidio assistentes, vocatis, qui fuerint euocandi, quum ab eis fueritis requisiti, veritate cognita, de praedictis iniuriatoribus exhibeatis iustitiae complementum. Datum

Zagrabiae V. idus Septembris.

Apud Wagner An. Scep. P. I. p. 395. Gentilem in Croatia moratum etiam Kerchelichius auctor est: III. Kal. Octobris, inquit, Fratrem Cardinalem Gentili in

Castris Caroli regis adfuisse, eruitur e litteris, quibus Augustini, Episcopi Zagrabien. protestatio continetur de non recepta a Stephauo et Joanne Bobonog Comitibus, pro Medue pecunia; in quibus haec conclusio: Actum in Ripa Saui ad portum regium III. kal. Octobris." Hist. Epp. Zagr. p. 101.

CXXXIII.

A. Ch. 1308. Idem Gentilis Budam peruenit. Budae in loco Fratrum Praedicatorum de Castro, die Lunae IV. mensis Nouembris.

In Dei nom. Anno Dom. MCCCVIII. Indict. VI. temp. D. Clem. PP. V. die Lune IV. Mensis Nouembris actum Bude in loco Fratrum Praedicatorum de Castro coram Reu. in Christo Patre, et DD. Fr. Gentili D. gr. tit. S. Martin. in Mont. Presb. Card. Ap. Sed. Leg. etc.

Apud Farl. Tom. IV, p. 368-9. Appellationem Liberii Episcopi hac sententia reuidit. Cardinali Gentili e Croatia in Hungariam festinandi occasionem dedit anarchia, quam Ottonis, insidiis Alberti Imperatoris per Ladislaum Vajuodam Kalendis Nouembris capti, fata aduersa post se traxerant. Otto, Emerici de Serény opera, vt docet Ill. Palma liberatus, per Russiam (Galiciam) domum reuersus, Henrici, Ducis Glogouiensis, filiam vxorem duxit; nomen Regis Hungariae gessit vsque A. Ch. MCCCXII. quo finem vitae fecit. Con. Chron. apud Oefel. Pez. Thuroczi etc.

CXXXIV.

A. Ch. 1308. Carolus quoque Robertus, capto in Transiluania Ottone R. H. Budam properat. s. 1. et d.

Carolum quoque circa Iunii medium in Sclauonia versatum fuisse, non solum Ioan. Archi-Diac. annotauit, sed litteraria quoque monumenta, et factae a Carolo gratiae indubium faciunt. Enim vero Paulo Croatarum et Maritimo Bano, Bosnae

Banatum perpetuum et haereditarium Carolus donat. Ad Capituli Zagrabiensis, et Augustini Episcopi preces priuilegium Andreae Regis super Cassina confirmat. Populum de Sztankouetz et Laztech immunitat et libertat, et aliis fauoribus affectus auget singulorum. Quae aliaque omnia MCCCVIII. a Carolo partim Zagrabiae, partim in castris expedita leguntur. Intellecta autem Othonis captiuitate in Hungariam properauit Carolus, magnoque suorum affectu est susceptus.

66

Ap. Kerchelich Hist. Epp. Zagrabien. p. 101.

CXXXV.

A. Ch. 1308. Idem Gentilis Carolum Robertum, Regem Hungariae eligendum, refragantibus Proceribus persuadet. Budae die XXVII, mensis Nouemb.

In nomine domini. Amen. Anno eiusdem MCCCVIII. indict. VI. mense Nouembri die XXVII. pontificatus domini Clementis PP. V. anno quarto, Reuerendus in Christo pater et dominus Gentilis, D. gr. tit. S. Martini in montibus presbiter Cardinalis, in regno Vngariae, ac partibus illi conterminis A. S. L. ex quo ad ipsius legationis partes accessit, quod fama praenouerat, ex rei euidentia, et facti experimento percipiens, tempestatis videlicet fremitum, qua regnum ipsum, multae fertilitatis olim, vt asseritur, iucunditate refertum, multaque solitum deuotione clarescere, hostis antiquus, pacis aemulus, ac zizaniae seminator, generali turbine conquassarat, particularibus quoque dissidiis fere in singulis eiusdem regni partibus suscitatis, ex quibus adeo inualuerat commotionis horor in illo, vt locum sibi dissensio, quae detrimenta solet vastitatis inducere, vendicarat,

quod excellenti principe domino Carolo, Vngariae rege illustri, ac nonnullis Baronibus, et Nobilibus dicti regni inuicem dissidentibus, et inter eos odii ac rancoris igne succenso, detrahebatur subditorum auersione regalis magnificentiae culmini; ab eis ipsius regis auertabatur affectus; ac mutuis hinc inde incommodis deperihat; coepit circa ipsius regni sedanda scandala indesinentis solertiae studio vigilare ac feruore officiosi exuberare fauoris instantius pro ipsius Domini regis, quem infra claustra pectoris ex singularitate dilectionis habet vt filium, ac incolarum regni eiusdem statu prospero et tranquillo, cogitationes pacis assidue meditando. Post aduentum igitur eiusdem Domini legati Budam, per nuncios ipsius et litteras pro eiusdem regni negociis, suae commissis legationis officio, promouendis feliciter, generali praelatorum, ac baronum et nobilium aliarumque notabilium personarum, tam ecclesiasticarum, siue secularium, concilio, ad octauam festi B. Martini Conf. tunc instantis solemniter conuocato, circa ipsam octauam, ad idem concilium eorumdem praelatorum ac baronum plurimi, ac multitudo Nobilium ac personarum ipsarum copiosa personaliter; aliqui vero eorumdem Baronum, quorum personalem aduentum ad id concilium longa distantia praepediuit, per procuratores idoneos conuenerunt. Sane Henrico Magistro et bano Sclauoniae, ac nonnullis Baronibus aliis ac nobilibus, quibus ad superius castrum Budae, vbi tunc legatus ipse cum sua curia morabatur, propter armatorum multitudinem, quam secum habebant, nequaquam patebat aditus, vltra Danubii flumen, ex ipsius castri opposito constitu

tis, ipse Dominus legatus, insistens coeptis alacriter, suique status praeeminentiam et dignitatem officii non attendens, quin immo semetipsum humilians vna cum praefato rege, aliisque praelatis et Baronibus, citra flumen ipsum cum eo manentibus, spatiosam fluminis eiusdem planitiem, piscatoris more, aquarum intrepidi, cymba transiit, ac in loco fratrum Praedicatorum, iuxta flumen ipsum sito, cum cum ipso Domino Legato Praelatorum, Baronum et Nobilium, et dictarum personarum multitudo, ciues etiam et aduenae copiosi, quos eximii spectaculi rumor, ac vulgata conuentionis dicti concilii celebritas excitarat, insperatae pacis admiratione stupidi, et tot discordium animorum vnitatis increduli, pacisque auidi, conuenerunt. Quibus in eiusdem D. Legati ac mei, aliorumque no¬ tariorum et testium subscriptorum, ad hoc specialiter vocatorum et rogatorum praesentia constitutis, dicto Domino rege ac venerabilibus in Christo patribus, dominis D. gr. Thoma Strigoniensi, ac Vincentio Colocensi Archiepiscopis, et H. (Haba) Vaciensi, Benedicto Wesprim. Ioanne Nitrien. Petro Quinqueecclesien. Martino Agrien. et Augustino Zagrabien. Episcopis, et Nicolao postulato Iauriensi ad dextram; et magnificis viris dominis, Henrico praefato Magistro, et bano Sclauoniae, M. Nicolao, filio Gregorii, nepote eius; Homodeo Palatino, de genere Haba; M. Dominico, M. Kokos, et Ladislao, Bano, de Ratold; Kopos palatino pro se, ac Beka (Beke) Magistro Tauernicorum Dominae reginae, fratre suo, filiis Thomae, de genere Borsoe, ac Petro, filio Compoldi, de genere Haba, ad sinistram ipsius Domi

« ElőzőTovább »