tuae circumspectionis industria gerentes in Domino fiduciam pleniorem, fraternitati tuae procedendi, auctoritate nostra, iuxta Canonicas sanctiones contra haereticos et Patarenos, credentes et receptores ipsorum, partibus praedictarum, et si opus fuerit, aduersus eos brachii secularis auxilium inuocandi plenam concedimus auctoritate praesentium facultatem. Datum Anagniae, III. kal. Iun. Pontificatus nostri anno IX." Apud Pray Hier. P. II. pag. 427. Katon. -Tom, VIII. pag. 55. LIII. Ch. A. 1303. Idem Bonifacius eidem Stephano iura ecclesiarum, per disturbia temporum alienata, reuindicandi munus imponit. Anag. III. Idus Iunii. - Bonifacius Ven. fratri Stephano, Archiepiscopo Colocen. - - Tuis et Ven. Fratrum nostrorum Benedicti 'Vesprim. Michaëlis Zagrab. et Theodori Iaurien. Episcoporum, tuorúm et Ecclesiae Strigonien. Suffraganeorum, ac dilectorum filiorum, Thomae Strigoni. Dominici Vacien. et Niolai de Castroferreo Iaurien. diaecesis Praepositorum, ac Stephani Archi-Diaconi Transiluanien. Ecclesiae, tuae et Strigonien. Prouinciarum, apud sedem Apostolicam constitutorum, precibus annuentes, fraternitati tuae, de qua gerimus fiduciam in Domino specialem; praesentium auctoritate mandamus, quatenus, quidquid inueneris per nobiles, Comites et Barones ac alias seculares personas illarum partium, in tuum et eorumdem Episcoporum, praepositorum et Archidiaconi praeiudicium temere attentatum, postquam tu et iidem Episcopi ac praepositi et archidiaconus ad voca tionem nostram pro quibusdam Regni Vngariae negociis apud sedem Apostolicam promouendis et expediendis iter arripuistis ad sedem veniendi praefatam, in statum pristinum reuocare procures ; contradictores per censuram ecclestiasticam, apDatum pellatione postposita compescendo. Anagniae III. kal. Iun. pont. nostri anno IX. “ E MSS. Pray. Katona 1. c. p. 56. Bonorum suorum maximam passa est iacturam Ecclesia Zagrabiensis per filios Henrici quondam Bani, Michaële Zagrabiensi Episcopo Carolo Rnberto singulariter fauente. V. Kerchelich H. Eccl. Zag. p. 99. Iidem persecuti ipsum fuerant etiam Archiepiscopum Strigoniensem factum; vt Diploma sequens euincit. LIV. A. Ch. 1303. Nicolaus Ostien. et Velletren. Episcopus S. A. L. rectores castri Budensis a tributo Capituli Budensis praepediendo inhibet. Posonii XII. kal. Iunii. Frater Nicolaus, miseratione diuina Ostiensis et Velletrensis Episcopus, Apostolicae sedis legatus, discretis viris Magistro Domus Crucis, fratrum Sancti regis Stephani, et de nouo monte Pestiensi, ac de Pest Ecclesiarum Plebanis, Vesprimiensis et Vaciensis Dioecesis salutem in Domino. Querelam Praepositi et Capituli Ecclesiae Sancti Petri de Buda Veteri, Vesprimiensss Dioecesis, accepimus continentem: quod licet ipsi ab eo tempore, cuius memoria non existit, certum tributum, pro omnibus nauibus ascendentibus per flumen Danubii, consueuerant percipere pacifice; et Vniuersitas Castri Budensis dictae Vesprimiensis Dioecesis eos, quo minus tributum ipsum percipere valeant, contra iustitiam a duobus annis pro xime iam elapsis, aut impetiuerunt, et (ant) impediunt pro eorum libitu voluntatis, in ipsorum Praepositi et Capituli graue praeiudicium et iacturam; propter quod dicti rector et Vniuersitas, ne in mentem nostrae constitutionis inciderent, et excommunicationis et interdicti poenam in singulares personas et vniuersitates quaslibet, Ecclesiasticas personas, ac pia ac religiosa loca in eorum bonis, tributis et iuribus molestantes, in dicta constitutione rationabiliter promulgatas, incurrerint, possunt non immerito formidare. Quae discretioni Vestrae, qua fungimur auctoritate, committimus et mandamus; quatenus dictos rectores, et Vniuersitatem pro primo, secundo, et tertio, ac peremtoriae monitionis edicto, ex parte nostra monentes, efficaciter inducatis, vt a quolibet impedimento dictis Praeposito et Capitulo super hoc inferendo, de cetero prorsus abstineant, et eos tributum percipere libere ac pacifice dimittant; et de eo, quod per dictos duos annos percipere potuissent, debitam eis satisfactionem impendant. Alioquin ad publicationem et aggrauationem dictarum sententiarum et alias contra eos, prout sua dabit iustitia, processuri. Diem autem monitionis huiusmodi et quidquid inde duxeritis faciendum, nobis per Vestras patentes litteras, harum seriem continentes, vel instrumentum procurare studeatis, sed etiam intimare. Quod si vos omnes his exequendis non poteritis interesse, duo Vestrum ea nihilominus exequantur. In cuius rei testimonium praesentes litteras mandauimus nostri sigilli appressione muniri. Datum Posonii. XII. kal. Iuny, Pontificatus Domini Bonifacii Papae VIII. Ex Originali Capituli Strigoniensis. Hevenesi Tom. XIII. L. D. p. 226. Katona. Hist. Criticae Tomulo VIII. p. 51. seqq. Contumaces offenderit indubie in suscipiendo Carolo Roberto Budeuses; qua propter laesionem veritus Buda deserta clam tum Posonium se contulit. Nec in dependendo Canonicis Vetero-Budensibus tributo nactus, promtiores, hos interdicto subiecit; ex quo malum malo fuit cumulatum. Chron. Thurotii P, II, C. LXXXVI, LV. A. Ch. 1303. Nicolaus (Michaël) Archiepiscopus Strigonien. cambium inter Plebanum de Neosolio et Petrum Karoli initum suo roborat priuilegio. In Lypcz, in vigilia Assumtionis Mariae. Nos Nicolaus, Dei et apostolica gratia Archi+ Episcopus Strigoniensis, locique eiusdem Comes perpetuus, significamus, -- quod prouidus vir Petrus Caroli, ciuis de Nouisolio, ad nostram accedens praesentiam, exhibuit nobis quasdam litteras priuilegiales discreti viri Stephani, plebani de eodem Nouisolio, super quadam concambiali permutatione, inter eumdem Petrum Carolum, ab vna, et ipsum plebanum parte altera facta, confectas tenorum subsequentium; supplicans nobis humiliter et deuote, vt easdem literas ratas habere, nostrisque litteris priuilegialibus confirmari facere dignaremur; quarum tenor talis est: In nomine Domini, Amen. Vniuersorum et singulorum gestorum, quae inter quoslibet exercentur, vacillantem esse memoriam, per lapsum temporis, nisi testimonio instrumentique publici adminiculo forent perhennitae. Nos igitur Stephanus, plebanus de Nouisolio, et Petrus Caroli, ciuis de eadem, scire cupimus vniuersos, praesentes et posteros, praesentium notitiam habituros, inter nos cambium fore factum, siue commutationem, ma~ turo amicorum nostrorum consilio, similiter et seniorum nostrorum auxilio, sic, quod ego Stephanus, plebanus de Nouisolio, eidem Petro Caroli in hospitali Nouisolii liberam facultatem dedi habendi et tenendi tres Capellanos, liberos a me, et conuentore, et ab omnibus successoribus meis perpetue quod nullus ipsis aliquid praecipere possit, nec debeat in aliquo negotio Ecclesiae, tali conditione praesupposita, quod isti tres capellani liberam habeant cantandi, vel legendi missas, secundum quod gratiam habent, infra primam parochialis ecclesiae et summam missam, et etiam de nullo fructu ecclesiae parochialis se intromittere debent, in audiendo confessionem, nec in omnibus aliis, quae pertinent ad plebani capellanos; sed infirmos suos in hospitali, possunt et debent procurare, et audire confessionem ipsorum ; sed plebano vel conuentori, tam praesenti quam successoribus suis, in nullis seruitiis sint obligati, nisi in sequentibus festiuitatibus debent circuire Ecclesiam, siue esse cum ipsis in processione ; etiamsi aliquis sibi sepulturam eligeret in hospitali, qualiscunque foret, peractis iuribus ecclesiae, ita vt fructus plebani siue ecclesiae non deteriorentur, postea in hospitali sepeliri debet. Amplius volo et dedi ipsi Petro Carolio offertorium in hospitali. Haec sunt septem festa, iu quibus esse debent in circuitu cum Plebano: primo in festo Natiuitatis Christi, Paschae, Ascensionis, Pentecostes, Assumptionis, natiuitatis et purificationis Mariae. Et e conuerso Petrus Caroli, respiciens etiam conscientiam suam, sic, quod animae suae nullae prorsus maledictiones adhaere |