Nec comes ingratus, pætum cum leniter haurit,
Et reficit sese lentus odore tubi.
At non immodicos potanti sufficit haustus; Mensura cyathos vix superante duos. Quanquam nec titulos, et avita insignia præfert, Nec quid paupertas ambitionis habet; Nec Barringtonio similes ostentat honores, Cristamque et scutum, sanguineamque manum : Atqui animi memoris, gratique est pectoris index; Est etiam in parvo munere dantis amor. Nomina cum majora scyphis exederit ætas, Nec distincta suis nec memoranda notis ; Pauper Johannes seris testabitur annis,
Versu, quem simplex, sed pia, musa canit; Non esse argenti pondus, quod dona, sed esse Donantis mentem, quæ pretiosa facit.
UTILIS est cathedra, et multo superimminet amni, Rerum, ubi nascuntur jurgia, certa salus; Effrænem cohibet quæ linguam, et temperat iras, Nec sinit, ut ratio deserat imperium.
In qua Xantippe quæcunque immergitur undis Ter quater, innocua mitior exit ove.
Nec quidquam irarum reminiscitur illa; furoris Tam cito defervet vis animique cadunt.
Quid docet hæc sella, attente perpenderis; et nil Socraticam dices par docuisse scholam.
USUS QUADRIGARUM.
IN curru conduco locum, visurus amicum, Millia qui decies distat ab urbe novem. Impatiens auriga moræ nos urget, et, hora
Cum nondum sonuit tertia, jungit equos.
Vix experrectus, media inter somnia, surgo, Per longum misere discutiendus iter. Ingredior, sedeo; cubitumque coarctor utrumque ; Atque duas pingues comprimor inter anus. Cum matre e contra puer est, milesque protervus ; Distento hos inter corpore caupo sedet. Nec vix illuxit, quin hinc agitamur et illinc, Aspera qua ducit, qua salebrosa via. Altera tussit anus, rixatur et altera; jurat Miles, poykale caupo, vomitque puer. Dulce sodalitium! si sint hæc usque quadrigis Commoda, maluerim longius ire pedes.
PERVENIRI AD SUMMUM NISI EX
NEWTONUM ingentem, lumen non unius ævi, A. B. quæ docuit prima, magistra fuit. Doctior ille statim vetula, cito sensit inani Quiddam his literulis majus inesse sono. Protinus egregios elementis repperit usus; Usus, quos nunquam conjiciebat anus. Notosque ignotis numeros conferre peritus, Inde potestates format utrisque datas. Laudo tamen vetulæ præcepta ea primula, quæque Newtoni haud dubitem dicere Principia.
AD dextram, ad lævam, porro, retro, itque reditque, Deprensum in laqueo quem labyrinthus habet. Et legit et relegit gressus, sese explicet unde, Perplexum quærens unde revolvat iter.
Sta modo, respira paulum, simul accipe filum; Certius et melius non Ariadne dabit.
Sic te, sic solum, expedies errore: viarum Principium invenias, id tibi finis erit.
QUOD TIBI VIS, ID ALTERI ET TU
OFFICIOSA Senem, succincta, et sedula (fingit Sic tabula Heemskirkî ludicra) tondet anus. Inque vices (idem sic ludit amabile pictor) Æqua tondet anum conditione senex. Cum vetulus sit uterque, et sit barbatus uterque, Fas est, alterius poscat ut alter opem.
CONSULE, QUID VALEANT HUMERI.
ROBUSTIS fert mundum humeris, et pondere curvus Sudat, et ingenti mole laborat Atlas.
Quos nervos, quam cervicem, quæ brachia, crurum Quam validos nexus tam grave poscit onus! O caute incedas; minimus nam si tibi lapsus Offendat gressus, omnia corruimus.
INSTRUMENTA necis, quæ nitrum et sulphura miscet, In flammam ignescit, subruiturque mola. Cuncta volant, lacerique artus et saxa trabesque, Et distans subito fulmine terra tremit.
Triste genus lethi! sed quo,
Dignus erat quisquam, dignus et auctor erat.
IN QUOD CHORAULES NON VENIT.
MAGNA instauravit Macedo convivia victor, Adjuvit festas et citharista dapes : Heroum cecinit simul ille ingentia facta Argivûm, in Persis qui cecidere plagis: Exarsit juvenis, dederat quas Musicus, iris; Nec longum, exclamat, victor inultus ero. Et triste o facinus! Persepolis illa venusta Urbs fuit, æquavit quam citharœdus humo.
CORPORIS exigui, sed magni est nominis auctor, Quem vexat scriptus non ita parva manus. Ille diu tacitus, sed non perterritus, iram Ingenti tectam pectore dissimulat.
Ex improviso cum tandem Duncias exit;
Bilem habet et totus, fel, aloenque, liber: Dixerit ut monitus quivis, læsisse gigantem
Tutius, exiguum quam tetigisse virum.
« ElőzőTovább » |