PYRAMIS. PYRAMIDUM Sumptus, ad cælum et sidera ducti, Ergone porrigitur monumentum in jugera tota! STRADE PHILOMELA. PASTOREM audivit calamis Philomela canentem, Pastor inassuetus rivalem ferre, misellam Grandius ad carmen provocat, urget avem. Tuque etiam in modulos surgis, Philomela; sed impar Viribus, heu impar, exanimisque cadis. Durum certamen! tristis victoria! cantum Maluerit pastor non superâsse tuum. THESTYLIS COQUA. ALLIA, Serpyllum, rutamque et sectile porrum Rusticus hinc stomachum lenitque, et recreat artus; O labor! o sudor! dulcis conditor uterque ! ROSA: AD STELLAM. DELICIA juvenum, nympharum hodierna voluptas, Cras, Stella, exemplum pulchris lacrymabile, eandem Stella, Rosæ miserere; et dum miserere, memento, Quod brevis est ævi, quod tua forma Rosa est. CANTATRICES. QUÆ septem vicos conterminat una columna, His vix dispositis, pueri innuptæque puellæ Accurrunt: sutor primus, cui lorea vitta Impediit crines, humili, quæ proxima stabat, Proruit e cella, chartas, si forte placerent, Empturus; namque ille etiam se carmine multo Oblectat, longos solus quo rite labores Diminuit, fallitque hybernæ tædia noctis. Collecti murmur sensim increbrescere vulgi. Audit; et excurrit nudis ancilla lacertis. Incudem follesque et opus fabrile relinquens, Se densæ immiscet plebi niger ora Pyracmon. It juxta, depressum ingens cui mantica tergum. Incurvat, tardo passu; simul ille coronam Aspectat vulgi, spe carminis arrigit aures ; Statque moræ patiens, humeris nec pondera sentit. Canticulæ interea narraverat argumentum Altera Sirenum, infidi perjuria nautæ, Deceptamque dolo nympham; tum flebile carmen Flebilibus movit numeris, quos altera versu Alterno excepit: patulis stant rictibus omnes: Dextram ille acclinat, lævam ille attentius aurem, Promissum carmen captare paratus hiatu. Longa referre mora est, animum qua vicerit arte Depromens vix tandem obolum, "Cedo, fœmina, chartam," 66 Inquit; ut 'æternum monumentum in pariete figam, Cum laribus mansurum ipsis, quam credula nymphis Pectora sint; fraudis quam plena, et perfida nautis." AD GULIELMUM HOGARTH, Παραινετικόν. Qui mores hominum improbos, ineptos, Incidis, nec ineleganter, æri, Derisor lepidus, sed et severus, Corrector gravis, at nec invenustus ; Fractos cum cyathis tubos, matellam |