FINE MINE.

Par bieu, je tromperay quelq'ung;
A ceste heure Chascun se garde.

TESTE VERTE.

Je n'espargneray pas ung,
Ou le feu sainct Anthoine m'arde.

FINE MINE.

Voilà Chascun qui nous regarde

Pour nous tromper.

TESTE VERTE.

Par ceste croix !

Je seray plus fin que moustarde,

S'il n'est mieulx trompé mille foys.

CHASCUN, en soufflant en sa trompe, et sa trompe ne dit rien.

Bon gré sainct Gervais,

Je voy bien que (je) suis attrapé;
Ma trompe ne vault pas deux noix.
Par trop tromper je suis trompé.
FINE MINE,

Va t'en coucher, tu es soppé.

TESTE VERTE.

Tu en as pour une, mon amy..
CHASCUN.

Ha, ha, barbier, tu m'as coppé.
FINE MINE.

Tu es payé, par sainct Remy.

CHASCUN.

Où est le Temps?

TESTE VERTE.
Il est endormy.

CHASCUN.

Il m'a laissé sans dire adieu.

FINE MINE.

A trompeur trompeur et demy.

TESTE VERTE.

Il est ainsi, par le sang bieu.
FINE MINE.

Quant Chascun a joué son jeu,
Et a eu le Temps à souhait,
Il se trouve, en temps et lieu,
Payé de tout ce qu'il a faict.

TESTE VERTE.

Le Temps Chascun faict et deffaict.
FINE MINE.

Le Temps se mine d'heure en heure.

TESTE VERTE.

Le Temps est beau, le Temps est laict; En ung estat point ne demeure.

FINE MINE.

Mais nonobstant, je vous asseure,
Que les sotz ont toujours le Temps.

TESTE VERTE.

Par le sang bieu, la chose est seure.

FINE MINE.

Et qui l'auroit donc? les chevaulx?

SOTTIE.

Mes enfants, puis qu'avez le temps,
Allons boire, je vous en pry.
FINE MINE.

Mes seigneurs, soyez souvenants:
A trompeur, trompeur et demy.
TESTE VERTE.

Se nous vous avons faict ennuy,
Nous et nostre mère Sottie,-
Pardonnez-nous, je vous en pry.
Adieu, toute la compaignie.

FARCE NOUVELLE

TRÈS BONNE

DE FOLLE BOBANCE

A quatre personnaiges, c'est assavoir

FOLLE BOBANCE

LE PREMIER FOL, GENTILHOMME
LE SECOND FOL, MARCHANT
ET LE TIERS FOL, LABOUREUX

FOLLE BOBANCE commence.

u estez-vous, touz mes folz affolez? Sortez trestous et me venez voix Et qu'esse-cy? N'oyez-vous point ma voix ? Despechez-vous; bien tost (i)cy avollez. Raffolée suis que cy je ne vous voix Borgnes, bossus, rabostez et follez; Folz folians de folie fault pourvoix. Folz lyonnoys, mylannoys, genevoys, Folz folastres, serveaux asservelez, Où estes-vous, tous mes folz affolez? Sortez trestous et me venez voix. Et qu'esse-cy? N'oyez-vous point ma voix? Despechez-vous, bien tost si avollez.

LE PREMIER FOL, GENTILHOMME,
Quelz motz.

LE SECOND FOL, MARCHANT.
Ilz sont bien frioletz,

LE TIERS FOL, LABOUREUX.

Ilz redondent aux folz mignoys.
FOLLE BOBANCE.

Folz Françoys, Bretons, Genevoys,
Folz malostrus et engelez,
Venez vers moy, car je congnoys,
Qu'en folies estes congelez.

LE PREMIER FOL, GENTILHOMME.

Dame, dictes que vous volez.

FOLLE BOBANCE.

Et Dieu, quelz escailleux de noix!
Que venez (i)cy de tous costez
Ou, par la foy que je vous doys,
D'une grosse pelle de boys

Vos trouz de culz seront sellez.

LE SECOND FOL, MARCHANT.

Dea, dame, pas ne nous celez.
Vostre nom; dictes en presence,

FOLLE BOBANCE.

Et, meschans folz desservellez
Je suis vostre mère Bobance
Que veulx assembler ma puissance
De folz à troupeaux et à tas.
Venez icy, c'est ma plaisance;
Je veulx tenir mes troys estas.