VERSES ON THE MARRIAGE OF HIS ROYAL HIGHNESS THE PRINCE OF WALES. [This Hymeneal has been omitted in Mr. Mason's and every other IGNARÆ nostrum mentes, & inertia corda, Scilicit ignorant lacrymas, sævosque dolores, Luctus & ultrices posuere cubilia Curæ ; Tuque Oh! Angliacis, Princeps, spes optima Ne tantum, ne finge metum; quid imagine captus Nascere, magna Dies, qua sese AUGUSTA Bri tanno Committat Pelago, patriamque relinquat amœnam; Cujus in adventum jam nunc tria regna secundos Attolli in plausus, dulcique accensa furore Incipiunt agitare modos, & carmina dicunt: Ipse animo sedenim juvenis comitatur euntem Explorat ventos, atque auribus aëra captat, Atque auras, atque astra vocat crudelia; pectus Intentum exultat, surgitque arrecta cupido ; Incusat spes ægra fretum, solitoque videtur Latior effundi pontus, fructusque morantes. Nascere, Lux major, qua sese Augusta Britanno Committat juveni totam, propriamque dicabit ; At citius (precor) Oh! cedas melioribus astris: Nox finem pompæ, finemque imponere curis Possit, & in thalamos furtim deducere nuptam ; Sufficiat requiemque viris, & amantibus umbras. Adsit Hymen, & subridens cum matre Cupido Accedant, sternantque toros, ignemque ministrent; Ilicet haud pictæ incandescit imaginæ formæ Ulterius juvenis, verumque agnoscit amorem. Sculptile sicut ebur, faciemque arsisse venustam Pygmaliona canunt; ante hanc suspiria ducit, Alloquiturque amens, flammamque & vulnera narrat; Implorata Venus jussit cum vivere signum, Fœminæam inspirans animam; quæ gaudia sur gunt, Audiit ut primæ nascentia murmura linguæ, Luctari in vitam, & paulatim volvere ocellos Sedulus, aspexitque novâ splendescere flammâ ; Corripit amplexu vivam, jamque oscula jungit Acria confestim, recipitque rapitque; prioris Immemor ardoris, Nymphæque oblitus eburnæ. THO. GRAY, Pet. Coll. SAPPHIC ODE: то MR. WEST [53]. BARBARAS ædes aditure mecum Estuat agmen ! Dulcius quanto, patulis sub ulmi Fallere Musâ? Sæpe enim curis vagor expeditâ Mente; dum, blandam meditans Camænam, Vix malo rori, meminive seræ Cedere nocti ; [53] Mr. Mason calls this the first original production of Mr. Gray's Muse. |