Oldalképek
PDF
ePub

leur solde et appointement d'un mois, semblable somme de 356 écus deux tiers, cy....... .... 356 éc. 2/3.

Plus à 50 suisses aussy ordonnés pour tenir garnison audit Brest, sous la charge du capitaine Paulus Couessonat, pour leur soulde et appointement d'un mois, 278 écus un tiers: Sçavoir, audit capitaine, 33 écus un tiers; et à 49 desdits suisses, à chacun 5 écus, cy... 278 éc. 1/3. A 30 arquebusiers à cheval, sous la charge du capitaine Villecharte, aussy ordonnés en ladite garnison, pour leur solde d'un mois, 186 écus un tiers Sçavoir, audit capitaine, 33 écus un tiers; au cornette, 10 écus; à un sergent, 8 écus; et à 27 desdits arquebusiers, chacun 5 écus, cy...... 186 éc. 1/3.

:

Audit sieur de Sourdéac, gouverneur de ladite place, pour son état d'un mois.....

33 éc. 1/3. A son lieutenant, pour ce que ledit sieur est lieutenant du roy, aussy pour son état d'un mois........ 33 éc. 1/3. A un sergent major, aussy pour son état d'un mois, semblable somme, cy... ... 33 éc. 1/3.

A 30 chevaux légers, commandés par le sieur du Plesseix-Valleron, pour son état de capitaine, 33 écus un tiers; à son cornette, 16 écus deux tiers; au maréchal des logis, 12 écus; et à 27 desdits chevaux légers, chacun 10 écus, revient de 332 écus par mois, cy..... 332 écus.

Somme 2,372 écus 26 sols 8 deniers.

(Arch. d'Ille-et-Vilaine, C. 2614, p. 286 et suiv.)"

ENQUESTE sur les plaintes de YVON LONGÈS

Le jeudy douziesme de mars, an mil cincq centz quatrevingtz-douze, à Quimper-Corentin, est comparu pardevant nous, Guillaume Le Baud, sieur de Kernec'hmarc, senes

chal de Cornouaille et premier magistrat au siège présidial dudit Quimper-Corantin, sire Yvon Longès, dit Trochelost, marchand demeurant au bourg de Kérity, en la parroesse de Tréoultre, terrouer de Penmarc, lequel, en se plaignant, nous a remonstrẻ que, le jour d'hier, unziesme de ce moys, il partit de sa maison, seul de compagnie, aîant en un bissac, devant son cheval, le nombre de troys centz escuz, en deux pochons, et dans les poches de ses chausses, le nombre de sept vingtz escuz, faisant en tout quatre centz quarante escuz, des deniers provenantz de la recepte des debvoirs de la pancarte ordonnée par les Estatz de ce pais estre levez audict terrouer de Penmarc, en laquelle recepte il est commis, pour debvoir randre lesdictz deniers, en ceste ville de Quimper-Corantin, à maistre Sébastien Lagadec, recepveur général desdicts debvoirs; et que, estant arrivé à ung quart de lieu de ceste ville, au grand chemin, quelque peu au-dessus des moulins nomez les moulins de Melguen, envoyron la nuist clouante, il auroit esté ataqué par deux personnes à luy incongneues et qu'il ne pourroit recongnoistre, à cause de la nuict; l'un desquels luy bailla ung grand coup de baston sur la teste, duquel coup il fut renversé à costé, sur son cheval; et aussytost l'aultre luy bailla un coup de poincte d'espée, duquel coup il ne fust blécé, mais eust seulement les acoustrementz percez, et pansoit le parlant estre blécé. Et aussytost se saisirent dudict bissac qu'il avoit sur son cheval, où estoint lesdictz trois centz escuz, lequel ilz rompirent et portèrent o eulx lesdictz deux pochons d'argent y estans audict nombre de troys centz escuz, ne sçait où, et panse plus qu'autrement qu'ilz l'eussent thué, sinon que, lorsqu'il receut ledict coup d'espée, il s'escria, disant telz motz: «Ha traistre, tu m'as thué!» Sy dict que auchune personne ne se trouva à son cry. Et aussytost, voiant que lesdictz voleurs

s'estoint retirez, l'aiant laissé comme mort à costé de son cheval, il se releva et remonta à cheval et se randict en ceste ville, aiant seulement saulvė lesdicts centz quarante escuz qu'il portoit dans ses chausses. De tout quoy il est venu nous faire la présante plaincte, pour nous requérir de le recepvoir et informer de sadicte plaincte et de sa bonne vie et renomée, et au moins le décharger de ladicte somme, qu'il affirme par son serment luy avoir esté volé, et a signé sadicte plaincte......

GUILL. LE BAUD. A. LEHÉAC. KERGUÉLEN, greffier. Sire Yvon Le Flamanc, dict Yvonenec, marchand demeurant en la parroesse de Tréoultre, terrouer de Penmarc, aaigé d'envyron cinquante-deux ans, juré par son serment dire vérité, purgé de conseil et encquis sur le contenu en la plaincte de Yvon Longès, dict Trochelost, dépose que, l'an passé, ledict Longès fust estably et commis pour la recepte des debvoirs de la pancarte ordonnée par les Estatz de ce païs, au mois de mars, en l'an mil cincq centz quatre-vingtz-unze, et ce parlant pour contrerolle, pour ce qui consernoit le terrouer de Penmarc. En laquelle cherge ilz s'aquitent au mieulx mal que leur est possible. Sy dict que ledict Longès, recepveur, estant adverty par sire Paol Le Paign, marchand demeurant audict lieu de Penmarc, qui retournoit de la ville de Quimper-Corantin, comme maistre Bastien Lagadec, recepveur général des debvoirs luy avoit donné charge de l'advertir de luy randre en diligence le plus d'argent qu'il pourroit avoir receu en sa cherge, s'adressa au parlant, mercredy dernier, affin de faire un calcul de ce qu'il pouvoit avoir receu, et trouvèrent qu'il avoit receu la somme de quatre centz quarante escuz, ou envyron. Laquelle somme il print et compta, et mict la somme de troys centz escuz en deux pochons, en ung bissac, audevant de son cheval, et le surplus, montant à cent qua

rante escuz, il les meict aux deux poches de ses chausses. En partit envyron une heure après midy, pour se rendre audict Quimper - Corantin. Et le lendemain, le parlant entendict par la voix commune que ledict Longès avoit esté volé desdictz trois centz escuz, près ladicte ville de Quimper-Corantin, par deux hommes incongnus, lesquelz l'avoint mis en estat de mort. Sy dist congnoistre ledict Yvon Longès, comme estant voisins, lequel il dict estre homme de bien, vivant et aiant tousjours vescu en la crainte de Dieu et sans reproche de personne. Et ne voudroit, pour chose du monde, raporter aucune chose qui ne fut vray. Et est son record, lequel il a signé. Ainsy signé : LE FLAMANC.

Noble homme Louis du "Haufont, sieur du Kerulut, demeurant au service du sieur de Kerdegace, capitaine du terrouer de Penmarc, aaigé d'envyron vingt et huict ans, tesmoign juré par son serment dire vérité, purgé de conseil et encquis sur ladicte plaincte, dépose que, mercredy dernier, il fut en la ville de Quimper-Corantin de la part dudit sieur de Kerdegace, pour nous donner certain advertissement, et en partit à l'après midy, sur le tart, envyron soleil couchant, pour se rendre au manoir de Trinilit, apartenant audict sieur. Et chemin faisant, estant envyron une demye lieue dudict Quimper-Corantin, près un endroict nomé Pratmilgoff, il rencontra en chemin ledict Yvon Longès, dict Trochelost, complégnant, commis à la recepte des debvoirs de la pancarte audict haufvre de Penmarc et limittes, lequel Longès estoit à cheval et s'en alloit audict Quimper - Corantin, pour, comme il disoit, faire ung paiement des deniers de sa cherge à maistre Sébastien Lagadec, recepveur général des debvoirs. Et le lendemain, le parlant estant arrivé audict lieu de Penmarc, il ouït par le bruit commun que ledict Longès avoit esté volé près la ville de Quimper

Corantin, sur le grand chemin, et mis en estat de mort, n'ouït dire par quy. Sy dict avoir depuis parlé audict Longès et l'avoir veu audict lieu de Penmarc, lequel luy a dict que, ledict jour de mercredy, envyron nuict clouante, après avoir rencontré le parlant, il avoit esté volé au-dessus des moulins de Melguen, à ung quart de lieue dudict Quimper Corantin, des deniers qu'il portoit audict Lagadec, ce que le parlant croiet estre véritable, parce que, de tout temps, il cognoict ledict Longès, qui a la réputation d'estre homme de bien et lequel, pour chose du monde, ne voudroit dire chose qui ne fût véritable. Et est son record. Et a signé. Ainsy signé : L. DU HAUFONT.

Catherine Guennou, femme Sébastien Le Houarillec, demeurant sur les grèves du havfre de Penmarc, en la parroesse de Tréoultre, aaigée d'envyron quarante ans, témoigne jurée par son serment dire vérité, purgée de conseil et encquise sur la plaincte dudict Yvon Longès, dépose que, mercredy dernier, envyron une heure après midy dudict jour, elle veid partir ledict Longès, pour s'en aller à Quimper-Corantin porter quelques deniers pour certaine recepte à maistre Sébastien Lagadec dudict Quimper-Corantin. Et dict le sçavoir par ce que ledict jour, à ladicte mesme heure, elle estoit à travailler à journée en la maison dudict Longès, au bourg de Penmarc, où elle veid ledict Longès compter beaucoup d'argent et les paqueter en ungn bissac de toille, lequel il meict à l'arson de la selle de son cheval. Et du depuix, elle a entendu, par le bruit commun au quartier, que ledict Longès avoit esté destroussé desdictz deniers près ladicte ville de Quimper-Corantin, n'a ouy nomer par qui, ny de quelle somme de deniers, comme elle ne sçait le nombre de deniers que ledict Longès portoit. Sy dict que ledict Longès est homme de bonne vie, tel tenu et réputé par tout le quartier, non blasmé d'auchune reproche,

« ElőzőTovább »