TELLURI, arboribus ver frondens, sidera cœlo,
Græciæ et urbs, urbi est ista propago, decus.

IMPIA facta patrans, homines fortasse latebis,
Non poteris, meditans prava, latere Deos.

Ævi sat novi quam sim brevis ; astra tuenti,
Per certas stabili lege voluta vices,
Tangitur haud pedibus tellus : conviva Deorum
Expleor ambrosiis exhilarorque cibis.

Br. 75.

ANTIOPE satyrum, Danaë aurum, Europa juvencum,
Et cycnum fecit, Leda petita Jovem.

PUPPE gubernatrix sedisti, audacia, prima
Divitiis acuens aspera corda virum ;
Sola rates struis infidas, et dulcis amorem
Lucri ulciscendum mox nece sola doces.
Aurea secla hominum, quorum spectandus ocellis
Elonginquo itidem pontus et orcus erat.

Br. 70.

Br. 96.

QUOD nimium est sit ineptum; hinc, ut dixere priores, Et melli nimio fellis amaror inest.

MATER adulantum, prolesque pecunia curæ,
Teque frui timor est, teque carere dolor.

Br. 75.

DITESCIS-credo-quid restat? quicquid habebis
In tumulum tecum, morte jubente, trahes?
Divitias cumulas, pereuntes negligis horas,
Incrementa ævi non cumulare potes.

ME miserum sors omnis habet; florentibus annis
Pauper eram, nummis diffluit area senis;
Queis uti poteram quondam Fortuna negavit,
Queis uti nequeo, nunc mihi præbet opes.

Br. 92.

Br. 103.

Br. 126.

Br. 126.

Br. 126.

MNEMOSYNE, ut Sappho mellitâ voce canentem
Audiit, irata est ne nova Musa foret.

CUM tacet indoctus, sapientior esse videtur,
Et morbus tegitur, dum premit ora pudor.

NON Fortuna sibi te gratum tollit in altum;
At docet exemplo, vis sibi quanta, tuo.

NUNC huic, nunc aliis cedens, cui farra Menippus
Credit, Achæmenidæ nuper agellus eram.
Quod nulli proprium versat Fortuna, putabat
Ille suum stolidus, nunc putat ille suum.

VIVE tuo ex animo, vario rumore loquetur
De te plebs audax, hic bene, et ille malè.

VITA rosa brevis est, properans si carpere nolis.
Quærenti obveniet mox sine flore rubus.

PULICIBUS morsus, restinctâ lampade, stultus
Exclamat; nunc me cernere desinitis.

Br. 127.

Br. 162.

Hrc, aurum ut reperit, laqueum abjicit, alter ut aurum
Non reperit, nectit quem reperit, laqueum.

MENODOTUM pinxit Diodorus, et exit imago,
Præter Menodotum, nullius absimilis.

Br. 152.

Br. 155.

NYCTICONAX cantat lethale, sed ipsa canenti
Demophilo auscultans Nycticorax moritur.

Br. 156.

Br. 167.

Br. 168.

Br. 170.

Br. 202.

Br. 205.

HAUD lavit Phido, haud tetigit, mihi febre calenti
In mentem ut venit nominis, interii.

Br. 210.

HERMEM Deorum nuncium, pennis levem,
Quo rege gaudent Arcades, furem boum,
Hujus palestræ qui vigil custos stetit,
Clam nocte tollit Aulus, et ridens ait;
Præstat magistro sæpe discipulus suo.

Qui jacet hic, servus vixit, nunc, lumine cassus,
Dario magno non minus ille potest.

FUNUS Alexandri mentitur fama; fidesque
Si Phœbo, victor nescit obire diem.

NAUTA, quis hoc jaceat ne percontere sepulchro,
Eveniat tantum mitior unda tibi!

QUI pascit barbam si crescit mente, Platoni,
Hirce, parem nitido te tua barba facit.

CUR opulentus eges? tua cuncta in fœnore ponis.
Sic aliis dives, tu tibi pauper agis.

CLARUS Ioannes, reginæ affinis, ab alto
Sanguine Anastasii; cuncta sepulta jacent :
Et pius, et recti cultor : non illa jacere
Dicam; stat virtus non subigenda neci.

Br. 212.

CUNCTIPARENS tellus salve, levis esto pusillo
Lysigeni, fuerat non gravis ille tibi.

Br. 223.

Br. 227.

Br. 241.

Br. 256.

Br. 262.

Br. 266.

Br. 267.

Br. 285.

NAUFRAGUS hic jaceo; contra, jacet ecce colonus!
Idem orcus terræ, sic pelagoque subest.

Br. 301. QUID salvere jubes me, pessime? Corripe gressus; Est mihi quod non te rideo, plena salus.

Er ferus est Timon sub terris; janitor orci,
Cerbere, te morsu ne petat ille, cave.

VITAM à terdecimo sextus mihi finiet annus,
Astra mathematicos si modo vera docent.
Sufficit hoc votis, flos hic pulcherrimus ævi est,
Et senium triplex Nestoris urna capit.

ZOSIMA, quæ solo fuit olim corpore serva,
Corpore nunc etiam libera facta fuit.

HECTOR dat gladium Ajaci, dat balteum et Ajax
Hectori, et exitio munus utrique fuit.

NAUFRAGUS hic jaceo; fidens tamen utere velis,
Tutum aliis æquor, me pereunte, fuit.

Br. 326.

EXIGUUM en! Priami monumentum; haud ille meretur Quale, sed hostiles, quale dedere manus.

Ur vis, ponte minax; modo tres discesseris ulnas,
Ingemina fluctus, ingeminaque sonum.

HERACLITUS ego; indoctæ ne lædite linguæ,
Subtile ingenium quæro, capaxque mei;
Unus homo mihi pro sexcentis, turba popelli
Pro nullo, clamo nunc tumulatus idem.

AMBRACIOTA, vale lux alma, Cleombrotus infit,
Et saltu è muro ditis opaca petit:
Triste nihil passus, animi at de sorte Platonis
Scripta legens, solâ vivere mente cupit.

SERVUS, Epictetus, mutilato corpore, vixi,
Pauperieque Irus, curaque summa Deûm.

Br. 304.

Br. 307.

Br. 322.

Br. 326.

Br. 344.

Br. 344.

Br. 398.

Br. 399.

Br. 399.

UNDE hic Praxiteles? nudam vidistis, Adoni,
Et Pari, et Anchisa, non alius, Venerem.

SUFFLATO accendis quisquis carbone lucernam,
Corde meo accendens; ardeo totus ego.

CIVIS et externus grati; domus hospita nescit
Quærere, quis, cujus, quis pater, unde venis.

Br. 486. JUPITER hoc templum, ut, siquando relinquit Olympum, Atthide non alius desit Olympus, habet.

POMPEII.

CUM fugere haud possit, fractis Victoria pennis,
Te manet imperii, Roma, perenne decus.

LATRONES alibi locupletum quærite tecta,
Assidet huic custos strenua pauperies.

FORTUNÆ malim adversæ tolerare procellas,
Quam domini ingentis ferre supercilium.

EN, Sexto, Sexti meditatur imago, silente,
Orator statua est, statuæque orator imago.

PULCHRA est virginitas intacta, at vita periret,
Omnes si vellent virginitate frui;
Nequitiam fugiens, servatâ contrahe lege
Conjugium, ut pro te des hominem patriæ.

Br. 445.

FERT humeris, venerabile onus, Cythereius heros
Per Troja flammas, densaque tela, patrem.
Clamat et Argivis, vetuli, ne tangite, vita
Exiguum est Marti, sed mihi grande lucrum.

Br. 451.