Molles ducimus horas.
Hic, dum debita morti
Paulum vita moratur,
Nunc rescire priora,
Nunc instare futuris,
Nunc summi prece sanctâ
Patris numen adire est.
Quicquid quæritur ultra,
Cæco ducit amore,
Vel spe ludit inani,
Luctus mox pariturum.
*QUISQUIS iter tendis, vitreas qua lucidus undas
Speluncæ latè Thamesis prætendit opacæ;
Marmoreâ trepidant qua lentæ in fornice gutta,
Crystallisque latex fractus scintillat acutis ;
Gemmaque, luxuriæ nondum famulata nitenti
Splendit, et incoquitur tectum sine fraude metallum ;
Ingredere O! rerum purâ cole mente parentem ;
Auriferasque auri metuens scrutare cavernas.
Ingredere! Egeriæ sacrum en tibi panditur antrum!
Hic, in se totum, longe per opaca futuri
Temporis, Henricum rapuit vis vivida mentis:
Hic pia Vindamius traxit suspiria, in ipsâ
Morte memor patriæ; hic Marmontî pectore prima
Cœlestis fido caluerunt semina flammæ.
Temnere opes, pretium sceleris, patriamque tueri
Fortis, ades; tibi sponte patet venerabile limen.
GRÆCORUM EPIGRAMMATUM
VERSIONES METRICE.
Pag. 2 Brodæi edit. Bas. ann. 1549.
NON Argos pugilem, non me Messana creavit ;
Patria Sparta mihi est, patria clara virûm.
Arte valent isti, mihi robore vivere solo est,
Convenit ut natis, inclyta Sparta, tuis.
• The above lines are a version of Pope's verses on his own grotto, which begin,
Thou who shalt stop where Thames' translucent wave."
QUANDOQUIDEM passim nullâ ratione feruntur,
Cuncta cinis, cuncta et ludicra, cuncta nihil.
PECTORE qui duro, crudos de vite racemos
Venturi exsecuit vascula prima meri,
Labraque constrictus, semesos, jamque terendos
Sub pedibus, populo prætereunte, jacit;
Supplicium huic, quoniam crescentia gaudia læsit,
Det Bacchus, dederat quale, Lycurge, tibi.
Hæ poterant uvæ læto convivia cantu
Mulcere, aut pectus triste levare malis.
FERT humeris claudum validis per compita cæcus, Hic oculos socio commodat, ille pedes.
QUI, mutare vias ausus terræque marisque,
Trajecit montes nauta, fretumque pedes,
Xerxi, tercentum Spartæ Mars obstitit acris
Militibus; terris sit pelagoque pudor!
SIT tibi, Calliope, Parnassum, cura, tenenti,
Alter ut adsit Homerus, adest etenim alter Achilles.
AD Musas Venus hæc; Veneri parete, puellæ,
In vos ne missus spicula tendat amor.
Hæc Musæ ad Venerem ; sic Marti, diva, mineris,
Huc nunquam volitat debilis iste puer.
PROSPERA sors nec te strepitoso turbine tollat,
Nec menti injiciat sordida cura jugum ;
Nam vita incertis incerta impellitur auris,
Omnesque in partes tracta, retracta fluit;
Firma manet virtus; virtuti innitere, tutus
Per fluctus vitæ sic tibi cursus erit.
HORA bonis quasi nunc instet suprema fruaris,
Plura ut victurus secula, parce bonis :
Divitiis, utrinque cavens, qui tempore parcit,
Tempore divitiis utitur, ille sapit.
NUNQUAM jugera messibus onusta, aut
Quos Gyges cumulos habebat auri;
Quod vitæ satis est, peto, Macrine,
Mi, nequid nimis, est nimis probatum.
NON opto aut precibus posco ditescere, paucis
Sit contenta mihi vita dolore carens.
RECTA ad pauperiem tendit, cui corpora cordi est
Multa alere, et multas ædificare domos.
neque dulce putes alienæ accumbere mensæ, Nec probrosa avidæ grata sit offa gulæ ;
Nec ficto fletu, fictis solvare cachinnis,
Arridens domino, collacrymansque tuo.
Lætior haud tecum, tecum neque tristior unquam,
Sed Miliæ ridens, atque dolens Miliæ.
NIL non mortale est mortalibus: omne quod est hi
Prætereunt, aut hos præterit omne bonum.
DEMOCRITE, invisas homines majore cachinno,
Plus tibi ridendum secula nostra dabunt.
Heraclite, fluat lacrymarum crebrior imber;
Vita hominum nunc plus quod misereris habet.
Interea dubito; tecum me causa nec ulla
Ridere, aut tecum me lacrymare jubet.
ELIGE iter vitæ ut possis : rixisque dolisque
Perstrepit omne forum; cura molesta domi est.
Rura labor lassat; mare mille pericula terrent;
Verte solum, fient causa timoris opes;
Paupertas misera est; multæ cum conjuge lites
Tecta ineunt; cœlebs omnia solus ages.
Proles aucta gravat, rapta orbat, cæca juventæ est
Virtus, canities cauta vigore caret.
Ergo optent homines, aut nunquam in luminis oras
Ventuisse, aut vi luce repente mori.
ELIGE iter vitæ â mavis, prudentia lausque
Permeat omne forum; vita quieta domi est.
Rus ornat natura; levat maris aspera lucrum ;
Verte solum, donet plena crumena decus;
Pauperies latitat, cum conjuge gaudia multa
Tecta ineunt, cœlebs impediere minus ;
Mulcet amor prolis, sopor est sine prole profundus;
Præcellit juvenis vi, pietate senex.
Nemo optet nunquam venisse in luminis oras,
Aut periisse; scatet vita benigna bonis.
VITA Omnis scena est ludusque; aut ludere disce
Seria seponens, aut mala dura pati.
QUÆ sine morte fuga est vitæ, quam turba malorum
Non vitanda gravem, non toleranda facit?
Dulcia dat natura quidem, mare, sidera, terras,
Lunaque quas et sol itque reditque vias.
Terror inest aliis, mœrorque, et siquid habebis
Forte boni, ultrices experiere vices.
TERRAM adii nudus, de terra nudus abibo.
Quid labor efficiet? non nisi nudus ero.
NATUS eram lacrymans, lacrymans è luce recedo:
Sunt quibus à lacrymis vix vacat ulla dies.
fale hominum genus est, infirmum, triste, misellum,
Quod mors in cineres solvit, et abdit humo.
QUISQUIS adit lectos elatâ uxore secundos,
Naufragus iratas ille retentat aquas.
FELIX ante alios nullius debitor æris;
Hunc sequitur cœlebs; tertius, orbe, venis.
Nec male res cessit, subito si funere sponsam
Ditatus magna dote, recondis humo.
His sapiens lectis, Epicurum quærere frustra
Quales sint monades, quà fit inane, sinas.
OPTARIT quicunque senex sibi longius ævum,
Dignus qui multa in lustra senescat, erit.
Cum procul est, optat, cum venit, quisque senectam
Incusat, semper spe meliora videt.
OMNIS vita nimis brevis est felicibus, una
Nox miseris longi temporis instar habet.
GRATIA ter grata est velox, sin forte moretur,
Gratia vix restat nomine digna suo.
SEU prece poscatur, seu non, da Jupiter omne,
Magne, bonum; omne malum et poscentibus abnue nobis.
ME, cane vitato, canis excipit alter; eodem
In me animo tellus gignit et unda feras:
Nec mirum ; restat lepori conscendere cœlum,
Sidereus tamen hic territat ecce canis !
2 G
|