sis ex eo pastoris solatio destituta, quod nos nuper venerabilem fratrem nostrum Petrum Gardensem tunc Strengniensem Episcopum licet absentem a vinculo quo dicte ecclesie, cui tunc preerat, tenebatur, de apostolice potestatis plenitudine absolventes ipsum ad ecclesiam Gardensem tunc vacantem auctoritate apostolica fratrum nostrorum consilio transtulimus ipsumque illi prefecimus in Episcopum et pastorem, Nos ad provisionem ipsius ecclesie Strengniensis... .. paternis et solicitis studiis in

tendentes. . . ad te archidiaconum Trubecensem in ecclesia Zwerinensi . . . direximus oculos nostre mentis, . . . de persona tua... eidem ecclesie Strengniensi. . . providemus teque illi preficimus in Episcopum et pastorem Datum Rome apud sanctum Petrum decimo Kal. Februarii anno tertiodecimo." (January 23, 1402.)

DOCUMENT LXIII., a.

JAMES PETERS APPOINTED BISHOP OF GARDAR.1

"D. Joannis PP. XXIII. Anno Primo, Sexto kalend. Aprilis [1411]. . . . Item providit Ecclesiæ Garden. in Getlandia vacan' per mortem N. de persona fratris Jacobi Petri Ordinis Minorum Professoris."

DOCUMENT LXIII., b.

"An. 1411, Die Mercurii 27 Martii D. N. [Joannes XXIII.] . . Item providit Ecclesie Garden, in Gerlandia vacanti per mortem etc. de persona fris. Jacobi Petri Ord's Minorum professoris."

DOCUMENT LXIII., c.

APPOINTMENT OF BISHOP JAMES TREPPE.3

"Johannes etc. Dilecto filio Jacobo Treppe Electo Gardensi, Salutem etc. Apostolatus officium, quamquam insufficientibus

1 Archivium Consistoriale: Acta Consistorialia, ab Anno 1409 ad 1433, fo. 28. (Ref. to p. 442. )

2 Archivium Apostolicum Secretum Vaticanum, Armarium XII., no. 121 (Acta Consistorialia), p. 46. (Ref. to p. 442.)

3 Archivium Secret. Apostol. Vaticanum. Regestum Lateranense. Joannis XXIII., t. cxlii., or Joannis XXIII., Anno I., lib. vii. fo. 288. (Ref. to pp. 432, 442.)

meritis nobis ex alto commissum, quo ecclesiarum omnium regimini presidemus, utiliter exequi coadiuvante Domino cupientes soliciti corde reddimur et solertes, ut, cum de ipsarum regiminibus agitur committendis, tales eis in pastores preficere studeamus, qui commissum sibi gregem dominicum sciant non solum doctrina verbi sed etiam exemplo boni operis informare commissasque sibi ecclesias in statu pacifico et tranquillo velint et valeant dante Domino salubriter regere et feliciter gubernare. Dudum siquidem in nostri apostolatus primordiis per nos intellecto quod ecclesia Gardensis, cui bone memorie Eskillus Episcopus Gardensis presidebat, per ipsius Eskilli Episcopi obitum, qui in partibus illis decessit, pastoris erat solatio destituta, Nos, cupientes ei ecclesie per apostolice sedis providentiam circumspectam utilem et ydoneam presidere personam, provisionem ipsius ecclesie ordinationi et dispositioni nostre ea vice duximus specialiter reservandam, decernentes ex tunc irritum et inane, si secus super hiis per quoscumque quavis auctoritate scienter vel ignoranter contingeret attemptari; et ne dicta ecclesia ultioris vacationis detrimenta subiret, ad provisionem ipsius ecclesie celerem et felicem, de qua nullus preter Romanum pontificem se intromittere potuit sive potest, reservatione et decreto obsistentibus supradictis, paternis et solicitis studiis intendentes, post deliberationem, quam de preficiendo eidem ecclesie personam utilem et etiam fructuosam cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, cui de religionis zelo, litterarum scientia, vite munditia, honestate morum, spiritualium providentia et temporalium circumspectione aliisque multiplicium virtutum donis apud nos fidedigna testimonia perhibentur, direximus oculos nostre mentis: quibus omnibus debita meditatione pensatis, de persona tua, nobis et eisdem fratribus nostris ob dictorum tuorum exigentiam meritorum accepta, prefate ecclesie (etiamsi ejus provisio ex quacumque alia causa dispositioni apostolice generaliter vel specialiter reservata existat) de ipsorum fratrum nostrorum consilio auctoritate apostolica providemus teque illi preficimus in Episcopum et pastorem, curam et administrationem ipsius ecclesie tibi in eisdem spiritualibus et temporalibus plenarie committendo, in illo qui dat gratias et largitur premia confidentes, quod dextera domini tibi assistente propitia, prefata ecclesia sub tuo felici regimine prospere dirigetur et grata in eisdem spiritualibus et temporalibus suscipiet incrementa. Volumus

autem quod, quamprimum presentes litteras habueris expeditas, ad eandem ecclesiam te transferas et resideas personaliter in eadem quodque extra tuas civitatem et diocesim Gardensem pontificalia officia nequeas exercere. Jugum igitur Domini tuis impositum humeris prompta devotione suscipiens curam et administrationem prefatas sic exercere studeas, quod ipsa ecclesia gubernatori provido et fructuoso administratori gaudeat se commissam, tuque proinde preter eterne retributionis premium nostram ac sedis predicte benedictionem et gratiam uberius consequi merearis. Datum Bononie sexto Kal. Aprilis anno primo." (March 27, 1411.)

DOCUMENT LXIV., a.

ENGLISH AND SCANDINAVIAN PIRATES.1

In 1411 the king of England is obliged to resort to severe decrees... "attentis diversis injuriis, murdris et interfectionibus intollerabilibus, cæterisque quampluribus oppressionibus, dampnis et gravaminibus diversis ligeis nostris per quosdam de Hansa, ad partes de Berne in Norwegia confluentes et ibidem conversantes a jam diu irrogatis, factis et perpetratis."

DOCUMENT LXIV., b.2

In 1489 Henry VII. stated that, after a long peace between England and Denmark, . . . "Postea tamen æmulorum quorumdam et temporum successu perversorum, quorum totus conatus ad turbandam pacem anelat, inter prefatorum Regum homines atque subjectos, tam per terram quam per mare, rapinæ, bella, cædes, navium mercatorum atque hominum captiones, et bonorum deprædationes, hincinde suscitari et exerceri ceperunt; paxque, liga, amicitia et confœderatio prædictæ eo pacto usque in hæc tempora omnino exulabant."

1 Rymer, Fœdera, t. viii. pp. 700, 736. (Ref. to p. 447.)

2 Ibid., t. xi. p. 374. (Ref. to p. 447.)

DOCUMENT LXV., a.

BISHOP RYNGMAN'S PROMOTION.1

"Eadem die (1425, Die Mercurii, 3. kl. Junii, provisum est) Ecclie. Graden. in Prov Nidrosien. vacanti per mortem fris. Jacobi Ordis Minorum, de persona fris Roberti Ryngman Ordis Minorum."

DOCUMENT LXV., b.2

"Eadem die (D. Martini PP. V. Anno Octavo, 1425, Die Mercurii, tertio Kalendas Junii) provisum est Ecclesiæ Graden. in Provincia Nidrosien. vacan' per mortem fratris Jacobi Ordinis Minorum, de persona fris. Roberti Ryngmann Ordinis Minorum."

DOCUMENT LXV., c.

BULLS OF BISHOP RYNGMAN'S PROMOTION.3

"Martinus etc. Dilecto filio Roberto Ryngman Electo Gradensi [sic] salutem etc. Apostolatus officium, quamquam insuf ficientibus meritis nobis ex alto commissum, quo ecclesiarum omnium regimini presidemus, utiliter exequi coadiuvante Domino cupientes soliciti corde reddimur et solertes, ut cum de ipsarum regiminibus agitur committendis, tales eis pastores preficere studeamus, qui commissum sibi gregem Dominicum sciant non solum doctrina verbi sed etiam boni operis exemplo informare commissasque sibi ecclesias in statu pacifico et tranquillo velint et valeant duce Domino salubriter regere et feliciter gubernare. Dudum siquidem bone memorie Jacobo Episcopo Gradensi regimini Gradensis ecclesie provincie Nidrosiensis presidente, Nos, cupientes eidem ecclesie cum vacaret per apostolice sedis providentiam utilem et ydoneam presidere personam, provisionem ipsius ecclesie ordinationi et dispositioni nostre ea vice duximus specialiter reservandam, decernentes extunc irritum et inane, si secus super hiis per quoscumque quavis auctoritate scienter vel ignoranter contingeret attemptari. Postmodum vero prefata ecclesia per obitum ejusdem Jacobi Episcopi, qui extra Romanam

1 Archivium Apostolicum Secretum Vaticanum, Armarium XII., no. 121 (Acta Consistorialia), p. 188. (Ref. to p. 449.)

vium Consistoriale, ab anno 1409 ad 1433, fo. 156. (Ref. to p. 449.)

3 Archivium Lateranense: Martini V., t. cclv., or Martini V., Ao.

Romæ in Cancellaria, Archi- VIII., lib. cviii. fo. 265. (Ref. to

p. 449.)

curiam diem clausit extremum, pastoris solatio destituta, Nos vacatione hujusmodi fidedignis relatibus intellecta et ad provisionem prefate ecclesie celerem et felicem, de qua nullus preter nos hac vice se intrommittere potuit sive potest reservatione et decreto obsistentibus supradictis, ne ecclesia ipsa longe vacationis exponeretur incomodis, paternis et solicitis studiis intendentes, post deliberationem quam de preficiendo eidem ecclesie personam utilem et etiam fructuosam cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, cui de religionis zelo, litterarum scientia, vite munditia, honestate morum, spiritualium providentia et temporalium circumspectione aliisque multiplicium virtutum donis apud nos fidedigna testimonia perhibentur, direximus oculos nostre mentis: quibus omnibus debita meditatione pensatis, de persona tua, nobis et eisdem fratribus nostris ob tuorum exigentiam meritorum accepta, prefate ecclesie Gradensi de dictorum fratrum consilio auctoritate apostolica providemus teque illi preficimus in Episcopum et pastorem, curam et administrationem ipsius tibi in spiritualibus et temporalibus plenarie committendo, in illo qui dat gratias et largitur premia confidentes, quod dirigente Domino actus tuos prefata ecclesia per tue industrie et circumspectionis studium fructuosum regetur utiliter et prospere dirigetur, ac grata in eisdem spiritualibus et temporalibus suscipiet incrementa. Jugum igitur Domini tuis impositum humeris prompta devotione suscipiens curam et administrationem predictas sic exercere studeas solicite, fideliter et prudenter, quod ecclesia ipsa gubernatori provido et fructuoso administratori gaudeat se commissam, tuque preter eterne retributionis premium benivolentie nostre gratiam exinde uberius consequi merearis. Datum Rome apud sanctos apostolos tertio Kal. Junii anno octavo." (May 30, 1425.)

"Simili modo dilectis filiis Capitulo ecclesie Gradensis salutem etc. Apostolatus officium etc. Quocirca discretioni vestre per apostolica scripta mandamus, quatenus eidem Electo tanquam Patri et Pastori animarum vestrarum humiliter intendentes ac exhibentes sibi obedientiam et reverentiam debitam et devotam eius salubria monita et mandata suscipiatis devote et efficaciter adimplere curetis, alioquin sententiam, quam idem Electus rite tulerit in rebelles, ratam habebimus et faciemus auctore Domino usque ad satisfactionem condignam inviolabiliter observari. Datum ut supra.