Oldalképek
PDF
ePub

Hic Sacerdos deponat stolam, et pluviale violaceum, et sumat aliud albi coloris.

Quando plures sunt Electi, idem fit circa singulos eorum. Et ducitur Electus ad Baptisterium: ubi si ob aliquam causam non habeatur, sive præparata non fuerit aqua Baptismalis, fiat benedictio Fontis, ut infra ponitur. Et cum fuerit prope Fontem, Sacerdos interrogat: Quis vocaris?

Respondet: N.

Interrogat: N. credis in Deum Patrem omnipotentem, Creatorem cœli et terræ?

R. Credo.

Interrogat: Credis in Jesum Christum, Filium ejus unicum, Dominum nostrum, natum, et passum?

R. Credo.

Interrogat: Credis et in Spiritum sanctum, sanctam Ecclesiam catholicam, Sanctorum communionem, remissionem peccatorum, carnis resurrectionem, et vitam æternam ?

R. Credo.

Iterum interrogat, dicens: N. quid petis?
Respondet: Baptismum.

Interrogat: Vis baptizari?
Respondet: Volo.

Tunc Patrino, vel Matrina, vel utroque, si ambo admittantur, admota manu, tenente, seu tangente Electum, vel Electam, aperto capite, et laxatis a collo vestibus, inclinatum, Sacerdos vasculo vel urceolo hauriat aquam Baptismalem de Fonte, et cum ea sub trina supra caput in

modum Crucis infusione baptizet Electum, seu Electam, in nomine SS. Trinitatis, sic dicens: N. Ego te baptizo in nomine Patris ☀, fundat primo et Filii, fundat secundo: et Spiritussancti, fundat tertio.

Si aqua, quæ ex capite baptizati defluit, non dilabitur in sacrarium Baptisterii, recipiatur in subjecta aliqua pelvi, et in illud postmodum projiciatur.

Cum plures sunt Electi, singillatim singuli interrogantur, et baptizantur, ut supra.

Si sunt mares et fœminæ, primum mares, deinde fœminæ.

Verum si probabiliter dubitetur, an Electus fuerit alias baptizatus, dicat Sacerdos: Si non es baptizatus, ego te baptizo in nomine Patris et Filii, et Spiritus sancti. Deinde Sacerdos intingat pollicem dexterum in sacrum Chrisma, et perungat verticem Electi in modum Crucis, dicens:

[ocr errors]

EUS omnipotens, Pater Domini nostri Jesu Christi, qui te regeneravit ex aqua et Spiritu sancto, quique dedit tibi remissionem omnium peccatorum, ipse te liniat Chrismate salutis in eodem Christo Jesu Domino nostro in vitam æternam. R. Amen. V. Pax tecum.

R. Et cum spiritu tuo.

Tunc bombacio, vel re simili pollicem tergit, et imponit capiti Electi Chrismale, seu candidum linteolum, et dat illi vestem candidam,

dicens: Accipe vestem candidam, et immaculatam, quam perferas ante tribunal Domini nostri Jesu Christi, ut habeas vitam æternam. R. Amen.

Et Electus deponit priores vestes, et induitur novis albi coloris, vel saltem exteriore candida, quam a Sacerdote accepit.

Postea dat ei Sacerdos cereum, seu candelam accensam in manu dextra, dicens: Accipe lampadem ardentem, et irreprehensibilis custodi Baptismum tuum: serva Dei mandata, ut cum Dominus venerit ad nuptias, possis occurrere ei in aula cœlesti in vitam æternam. R. Amen.

Ipse vero Neophytus eumdem cereum accensum manibus teneat usque in finem, præterquam dum confirmatur.

In Ecclesiis autem uhi Baptismus fit per immersionem, sive totius corporis, sive capitis tantum, Sacerdos accipiat Electum per brachia prope humeros, et superiore parte corporis nudatum, reliqua honeste contectum, ter illum, vel caput ejus mergendo, et toties elevando, baptizet sub trina immersione, SS. Trinitatem semel tantum sic invocando. Ego te baptizo in nomine Patris, mergat semel: et Filii, mergat iterum et Spiritus Sancti, mergat tertio : Patrino, vel Matrina, vel utroque eum tenente, vel tangente.

Et cum Electus surrexerit de Fonte, Patrinus vel Matrina cum linteo in manibus suscipit eum de manu Sacerdotis : et Sacerdos intincto pollice

dextero in sacro Chrismate, illum in vertice in modum Crucis perungit, dicens: Deus omnipotens, Pater Domini nostri Jesu Christi, etc. fol. 56.

Deinde Sacerdos imponit capiti ejus linteolum, seu Chrismale, et dat ei vestem candidam, dicens: Accipe vestem candidam, etc. fol. 57.

Et statim prædicto linteo abstergitur, et in loco semoto vestitur novis et albis vestibus, et exteriore candida, quam accepit.

Postea dat ei Sacerdos candelam accensam in manu dextera, dicens: Accipe lampadem, etc. fol. 57. Eodem modo, si plures fuerint, fit pro singulis. Postea dicat: N. Vade in pace, et Dominus sit tecum. R. Amen.

Si adsit Episcopus, qui id legitime præstare possit, ab eo Neophyti Sacramento Confirmationis initiantur. Deinde si hora congruens fuerit, celebratur Missa, cui Neophyti intersunt, et sanctissimam Eucharistiam devote suscipiunt.

Si vero ob baptizandorum multitudinem, ut in India et novo Orbe quandoque contingit, in singulorum Baptismo præscripti ritus adhiberi non possunt, tunc vel pluribus simul adhibeantur, vel, si urget necessitas, omittantur.

In Baptismo autem adultorum, quando supplentur omissa, hæc mutari debent. Primum, loco Orationis (Omnipotens, sempiterne Deus, fol. 40), dicatur, Omnipotens, sempiterne Deus, fol. 22. Secundo, in Oratione, Deus Patrum nostrorum, fol. 42, ubi dicitur, (et hoc primum pabulum salis gustantem,)

omittatur, primum; et ubi dicitur (Perduc eum, Domine, quæsumus, ad novæ regenerationis lavacrum, ut) dicatur, et quem ad novæ regenerationis lavacrum perduxisti, quæsumus Domine, ut: Tertio, in Exorcismo, Audi, maledicte Satana, fol. 45, ubi dicitur (habitaculum perficiat,) dicatur, habitaculum perfecit. Quarto, loco Orationis, (Eternam, ac justissimam, fol. 51,) dicatur Oratio, Eternam, ac justissimam, fol. 24. Quinto, in Exorcismo: Nec te latet: fol. 53, ubi dicitur (ut fiat) dicatur, ut fieret.

Ritus Servandus cum Episcopus Baptizat.

SI Episcopus, vel S. R. E. Cardinalis parvulos, vel adultos baptizare voluerit, parantur, et servantur omnia, ut superius de ordine Baptismi dictum est, atque hæc præterea, quæ infra

notantur.

Adsint Capellani, vel alii Presbyteri, et Clerici superpelliceis induti, qui ei assistant ac ministrent.

Ipse vero super rochetum, sive superpelliceum, si est Regularis, accipiat amictum, album, et cingulum, et stolam, et pluviale violacei coloris, ac mitram: atque ita paratus, cum ministris procedat ad Baptismi ministerium. Et dum interrogat: N. Quid petis ab Ecclesia Dei? ac dum facit reliquas interrogationes, sedet cum

« ElőzőTovább »