Tunc imponit manum super caput Electi, et dicit:

OMNIE

Oremus.

MNIPOTENS, sempiterne Deus, Pater Domini nostri Jesu Christi, respicere digneris super hunc famulum tuum N., quem ad rudimenta fidei vocare dignatus es: omnem cæcitatem cordis ab eo expelle: disrumpe omnes laqueos satanæ, quibus fuerat colligatus; aperi ei, Domine, januam pietatis tuæ, ut signo sapientiæ tuæ imbutus, omnium cupiditatum foetoribus careat, et ad suavem odorem præceptorum tuorum lætus tibi in Ecclesia tua deserviat, et proficiat de die in diem, ut idoneus efficiatur accedere ad gratiam Baptismi tui, salis percepta medicina. Per eumdem Christum Dominum nostrum.

R. Amen.

Si plures sint, hæc, et præcedens Oratio, Preces nostras, etc. dicantur in numero plurali. Deinde Sacerdos benedicit sal.

Benedictio salis dandi Catechumeno.

XORCIZO te creatura salis, in nomine Dei

EXORC

Patris omnipotentis, et in charitate Domini nostri Jesu Christi, et in virtute Spiritus sancti. Exorcizo te per Deum vivum, per Deum verum, per Deum sanctum, per Deum, qui te ad tutelam humani generis procreavit, et populo venienti ad credulitatem per servos suos

consecrari præcepit, ut in nomine sanctæ Trinitatis efficiaris salutare Sacramentum ad effugandum inimicum. Proinde rogamus te, Domine, Deus noster, ut hanc creaturam salis sanctificando sanctifices, et benedicendo benedicas, ut fiat omnibus accipientibus perfecta medicina, permanens in visceribus eorum, in nomine ejusdem Domini nostri Jesu Christi, qui venturus est judicare vivos et mortuos, et sæculum per ignem.

R. Amen.

Quod si Catechumenus fuerit Gentilis, sive ex Idololatris venerit ad Fidem; benedicto sale, antequam ejus medicinam gustet, Sacerdos addat sequentem orationem, quæ tamen pro venientibus ex Hebræis vel aliis, ut supra, non dicitur.

Oremus.

D Deus, qui es, quieras, et qui permanes usque

OMINE sancte, Pater omnipotens, æterne

in finem, cujus origo nescitur, nec finis comprehendi potest: te supplices invocamus super hunc famulum tuum N. quem liberasti de errore gentilium, et conversatione turpissima; dignare exaudire eum, qui tibi cervices suas humiliat ad lavacri fontem, ut renatus ex aqua, et Spiritu sancto, expoliatus veterem hominem induat novum, qui secundum te creatus est; accipiat vestem incorruptam, et immaculatam, tibique Deo nostro servire mereatur. Per Christum Dominum nostrum. R. Amen.

Tunc pollice et indice accipit de ipso sale, et

immittit in os Catechumeni, dicens: N. Accipe sal sapientiæ: propitiatio tibi sit in vitam æter

nam.

R. Amen.

Sacerdos: Pax tibi.

R. Et cum spiritu tuo.

DEUS

Oremus.

EUS patrum nostrorum, Deus universæ conditor veritatis, te supplices exoramus, ut hunc famulum tuum N. respicere digneris propitius: et hoc primum pabulum salis gustantem, non diutius esurire permittas, quo minus cibo expleatur cœlesti, quatenus sit semper spiritu fervens, spe gaudens, tuo semper nomini serviens. Perduc eum, Domine, quæsumus, ad novæ regenerationis lavacrum, ut cum fidelibus tuis promissionum tuarum æterna præmia consequi mereatur. Per Christum Dominum nostrum.

R. Amen.

Si plures sint, dicatur singulis: N. Accipe sal, etc. et præcedentes Orationes in numero plurali.

Si inter Catechumenos adsint fœminæ, recedant ipsa in partem, quousque tertio dicatur masculis Ora Electe, etc. et hi signati fuerint in fronte.

Si plures sint Catechumeni, hic et in sequentibus, Sacerdos dicit in numero plurali: Orate Electi, flectite genua, etc.

Deinde Sacerdos dicat super masculum tantum:

ter.

Ora, Electe, flecte genua, et dic Pater nos

Et Electus genuflexus orat, et dicit: Pater

noster.

Et cum oraverit, et dixerit Pater noster, usque ad, Sed libera nos a malo, inclusive, Sacerdos subjungit: Leva, comple orationem tuam, et dic Amen.

Et ille respondet: Amen.

Et Sacerdos dicit Patrino: Signa eum.
Deinde Electo: Accede.

Et Patrinus pollice signat eum in fronte, dicens: In nomine Patris, et Filii, et Spiritus sancti.

Tum quoque Sacerdos facit Crucem in fronte ejus, ita dicendo: In nomine Patris, et Filii, et Spiritus sancti.

Et imponit manum super eum, et dicit:

Oremus.

EUS Abraham, Deus Isaac, Deus Jacob,

Sinai apparuisti, et filios Israel de terra Ægypti eduxisti, deputans eis Angelum pietatis tuæ, qui custodiret eos die ac nocte: te quæsumus, Domine, ut mittere digneris sanctum Angelum tuum de cœlis, qui similiter custodiat et hunc famulum tuum N., et perducat eum ad gratiam Baptismi tui. Per Christum Dominum nostrum. R. Amen.

ERG

Exorcismus.

RGO, maledicte diabole, recognosce sententiam tuam, et da honorem Deo vivo et vero, da honorem Jesu Christo Filio ejus, et Spiritui sancto, et recede ab hoc famulo Dei N., quia istum sibi Deus, et Dominus noster Jesus Christus ad suam sanctam gratiam, Fontemque Baptismatis vocare dignatus est: et hoc signum sanctæ Crucis, quod nos fronti ejus damus, tu, maledicte diabole, numquam audeas violare. Per eumdem Christum Dominum nostrum, qui venturus est judicare vivos, et mortuos, et sæculum per ignem. R. Amen.

Sacerdos dicit secundo Electo.

Ora, Electe, flecte genua, et dic Pater

noster.

Et Electus genuflexus orat, et dicit: Pater noster, usque ad Sed libera nos a malo inclusive.

Sacerdos subjungit: Leva, comple orationem tuam, et dic Amen.

Electus surgens respondet: Amen.

Sacerdos dicit Patrino: Signa eum.
Deinde Electo: Accede.

Et Patrinus pollice signat Electum in fronte, dicens: In nomine Patris, et Filii, et Spiritus sancti.

Et Sacerdos pariter facit signum Crucis in fronte ejus dicens: In nomine Patris, et Filii, et Spiritus sancti.