PROSPERITATEM PRECATUR PLURIMAM.
Postquam publice Porci putamur; præstantissime patrone, placuit Porcorum pugnam poëmate pangere, potissime proponendo pericula pinguium prælatorum: pugnant pigriter pusillanimes prælati propter pinguedinis pondus, porro potentius Porcelli pauca proceritate perpoliti: propterea placeat precor puerile poëma perlegere Porcorum Porcellorumque pugnam propositionibus pictam paribus, peripræpostere.
Proditur patronus Porcianorum,
Res Inamona Caret Affectu. Læta Decorem
Omnimodè Aspirat Bellula Habe Ergo Rata:
Plura Latent Animo Cœlata, Et non Temeranda
Indiciis Ullis, Scilicet hoc Volui.
Præcelsis proavis pulchre, prognate patrone, Pectore prudenti pietateque prædite prisca, Præter progeniem, præter præclara parentum Prælia pro patriâ, pro præsulibusque peracta, Pleraque pro populo proprio perfecta potenter Pellucens probitate, potentique prosperitate, Proposito præsente petens plerumque peritos, Proptereaque probas philomusos, persequerisque Parnasso potos, precio precibusque poëtas: Postquam percepi puerile placere poëma Præcipue propter præscripta proœmia pugnæ Porcorum, placuit parvam præfigere pugnæ Pagellam, porci prodentem proprietates Plausibiles, pinguem patronum promeruisse Pectore pinguiculo, pol promeruisse poëtam Pingui Porcorum pingendo poëmata pugnam.
Porcus pistorum pergunt prosternere pugna
Porcelli, pasti planti per pervia prata.
I PLAUDITE Porcelli Porcorum pigra propago.
Progreditur, plures Porci pinguedine pleni.
Pugnantes pergunt, pecudum pars prodigiosa,
Perturbat pede petrosas plerumque plateas,
Pars portentosè populorum prata profanat,
Pars pungit populando potens, pars plurima plagis
Prætendit punire pares, prosternere parvos.
Primo Porcorum præfecti pectore plano,
Pistorum Porci prostant pinguedine pulchri.
Pugnantes prohibent Porcellos, ponere pœnas
Præsumunt pravis: porro plebs pessima pergit
Protervire prius, post profligare potentes.
2 Proconsul pastus pomorum pulte perorat
Prælia pro pecude parva prodesse, proinde
Protervire parum patres persæpe probasse
Porcorum populo pacem pridem placuisse
Perpetuam, pacis promptæ præconia passim
Pro præcone piæ pacis per pondera plura
Proponente preces, prudens pro plebe patronus
Porcus prægrandis profert placidissima pacta.
'Pacisci placeat Porcis, per prælia prorsum
Plurima priscorum perierunt pascua patrum.
1 Processus Porcorum ponitur.
3 Placidatorum pacta proponuntur.
2 Propositio proconsulis.
Præstat Porcellis potiori pace potiri,
Præstat prælatis primam præbere palæstram.
Porro proclivis pugnæ plebeia potestas
'Prælia portendit, per privilegia prisca
Proponens pugnæ Porcos potuisse patenti
Prostravisse pares, per plebiscita probari.
Porcum pugnacem pecudem, præclara potestas
Pendet per Porcos pugnaces, pergite passim
Perdere præfectos, Porci properare pusilli
2 Perdere pinguiculos, præfectos præcipitare,
Pigritia pollent prælati perpetuati,
Postquam plebs pertesa potentatus penetravit
Præcipiti pede, Porcelli petiêre pusilli.
Pugnando properare prius, pessundare patres.
Præstituunt personatos præcurrere porcos
Propugiles, porro plenum pinguedine putri
Præclarum Porcum pistrino pinsere panem
Præcipiunt, per posticam, per pervia portant.
3 Propterea properans proconsul poplite prono,
Præcipitem plebem pro patrum pace poposcit.
Persta paulisper, pubes preciosa, precamur.
Pensa profectum parvum pugnæ peragendæ
Plures plorabunt postquam præcelsa premetur
Prælatura patrum, Porcelli percutientur
Passim, posteaquam pingues Porci periere.
Propterea petimus, præsentem ponite pugnam
Per pia Porcorum perimus penetralia, posthac
Prælati poterint patrata piacula parce
Perpetrare, procul postponite prælia parva,
Præ prælatorum pœnis patientia præstat.
Plebs Porcellorum parte præcone parato
Porcis prælatis proponit particulares
Pacis particulas: pateant præsentia pacta
Porcorum populo, Porcorum posteritati.
2 Propterea porcellorum penetratio.
3 Preces proconsulis pro prælatis. Propositiones Porcellorum particulares.
Principio petimus prælatos perpetuatos
Postponi, propter pia privilegia patrum,
Porcellos patuit pariformi pondere pastos
Porcis persimiles, Porcos præstare pusillos
Propter pulmonem, propter penetrale palati,
Pars parvi Porci prunis plerumque perusta
Principibus primis portatur, porro putrescens
Porcorum pectus putri pinguedine plenum
Projicitur passim, partim pro peste putatur,
Propterea Porcis prælatio præripiatur.
Pergite Porcelli præfectos præcipitare.
1 Pro prælatura Porci pugnare parati
Prosiliunt, pars prata petit, pars prona paludes,
Prodit præcipuo proterva potentia plausu,
Porro Porcelli pulchrè per prata perurgent
Pinguiculos properare procul, penetrare parati
Per portas patulas, Porcos perfodere pergunt
Prosternunt, pinguedo potens prohibet properare.
2 Propterea pacem proponunt; parcite Porcis,
Porcelli posthac potimur pace perenni:
Propterea pulcher Porcellus præco politus
Prospiciens patres pronos peccata profari
Prospiciens positos prædâ, positosque periclo,
Propositum pandit; pacem perferre potestis?
Parcite prelati, procerum pondus puerile,
Perdurare parum propter plerosque putatur,
Perfringunt pacem penitus post pacta peracta.
Ponite pro pacto pignus, proferre potentes.
Pro pacis praxi, potiora pericula pensant
Porcelli, portent pignus, pax pacta placebit.
Princeps Porcorum propria pro plebe pedestris
Procumbens, pene perplexus prælia propter
Pestiferi populi, promittit præmia pulchra.
Pultem pomorum, propinam pulvere pisti
Pastilli, partem placenta posterioris,
Posteriorum pugna.
3 Præconis propositio.
2 Porci pacisci petunt. * Profertur pignus pro pastione.
|